வீட்டுப்பத்திரத்தை தொலைத்த தனியார் வங்கிக்கு ரூ.26 ஆயிரம் அபராதம்: நுகர்வோர் நீதிமன்றம் தீர்ப்பு

நவீன் · நவீன் Sat 7 Aug 2010 - 15:29

நாகர்கோவில்,

நாகர்கோவிலில் வீட்டுக் கடனுக்காக அளிக்கப்பட்டிருந்த பத்திரத்தை
தொலைத்த தனியார் வங்கிக்கு ரூ.26 ஆயிரம் அபராதம் விதித்து மாவட்ட
நுகர்வோர் நீதிமன்றம் தீர்ப்பு கூறியுள்ளது. நாகர்கோவில்
வடிவீஸ்வரம் பள்ளத்தெருவைச் சேர்ந்தவர் கீதா கணபதிசுப்பிரமணியன். இவர்
நாகர்கோவிலில் உள்ள தனியார் வங்கி கிளையில் ரூ.1.50 லட்சம் வீட்டுக்கடன்
பெற்றாராம். அதற்கு ஈடாக அவரது அசல் வீட்டுப் பத்திரத்தை வங்கி அதிகாரிகள்
பெற்றுக்கொண்டனராம். இந்நிலையில், கடன் தொகையை முழுமையாகச்
செலுத்தி முடித்ததும் வீட்டுப்பத்திரத்தைக் கேட்டபோது, அவருக்கு
பத்திரத்தைக் கொடுக்காமல் வங்கி அதிகாரிகள் இழுத்தடித்ததாகக்
கூறப்படுகிறது. பின்னர் பத்திரம் தொலைந்து விட்டதாகவும், அது குறித்து
போலீஸில் புகார் அளித்துள்ளதாகவும் வங்கி அதிகாரிகள் தரப்பில்
தெரிவிக்கப்பட்டதாம். இதனால் மனவேதனை அடைந்த கீதா கணபதிசுப்பிரமணியன், மாவட்ட நுகர்வோர் நீதிமன்றத்தில் வழக்கு தொடர்ந்தார்.
வழக்கை விசாரித்த நீதிமன்றம், அவரது அசல் வீட்டுப் பத்திரத்துக்குப் பதில்
சார்பதிவாளர் அலுவலகத்தில் வங்கி நிர்வாகத்தினர் தங்களுடைய செலவில்
சான்றொப்பமிட்ட நகல் எடுத்து 2 மாதங்களுக்குள் வழங்க வேண்டும் என்றும்,
அசல் வீட்டுப் பத்திரம் தொலைந்துவிட்டது என்ற சான்றிதழையும், கடன்பாக்கி
இல்லை என்ற சான்றிதழையும் வழங்க வேண்டும் என்றும், மனஉளைச்சலுக்காக ரூ.25
ஆயிரம் மற்றும் வழக்குச் செலவுக்காக ரூ.1000-ம் வழங்க வேண்டும் என்றும்
தீர்ப்பளித்தது.

வீட்டுப்பத்திரத்தை தொலைத்த தனியார் வங்கிக்கு ரூ.26 ஆயிரம் அபராதம்: நுகர்வோர் நீதிமன்றம் தீர்ப்பு

வீட்டுப்பத்திரத்தை தொலைத்த தனியார் வங்கிக்கு ரூ.26 ஆயிரம் அபராதம்: நுகர்வோர் நீதிமன்றம் தீர்ப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக