டாஸ்மாக் கடைகளுக்கு புது பூட்டு?

நவீன் · நவீன் Sat 7 Aug 2010 - 15:38

தருமபுரி,

டாஸ்மாக் ஊழியர்கள் வேலைநிறுத்தப் போராட்டத்தில் ஈடுபட்டால் மாற்று
ஊழியர்களை வைத்துக் கடைகளைத் திறக்க ஏதுவாக, கடைகளுக்கு புது பூட்டு
போட்டு, ஒரு சாவியை டாஸ்மாக் அலுவலர்களிடம் ஒப்படைக்குமாறு டாஸ்மாக் துறை
அறிவுறுத்தியுள்ளதாகக் கூறப்படுகிறது.
இது குறித்து சிஐடியு டாஸ்மாக் ஊழியர்கள் சங்கத்தின் மாவட்ட தலைவர் சி. நாகராஜன் கூறியது:
பணி
நிரந்தரம், 8 மணி நேர வேலை, அரசு ஊழியருக்கு இணையான ஊதியம், வார விடுமுறை
உள்பட பல்வேறு கோரிக்கைகளை வலியுறுத்தி ஆகஸ்ட் 11-ம் தேதி முதல் சிஐடியு,
அண்ணா தொழிற்சங்கம், பாட்டாளி தொழிற்சங்கம் சார்பில் டாஸ்மாக் கடைகளை
அடைத்து போராட்டம் நடத்தப் போவதாக அரசுக்கு நோட்டீஸ் தரப்பட்டுள்ளது.
இந்நிலையில்,
தருமபுரி மாவட்டத்தில் உள்ள 85 டாஸ்மாக் மதுக்கடைகளில் பணிபுரியும் 344
பேரிடம் டாஸ்மாக் நிர்வாகத்தினர் தொடர்பு கொண்டு, போராட்டத்தில்
கலந்துகொள்ள மாட்டேன் என எழுதித் தருமாறு வற்புறுத்திவருகின்றனர்.
வேலைநிறுத்தம்
செய்வது பணியாளர்களின் உரிமை. சட்டப்படி அறிவிப்பு தந்துவிட்டுத்தான்
போராட்டம் நடத்த உள்ளோம். எனவே நாங்கள் அவர்கள் கேட்பது போல எழுதித்தர
முடியாது.
மேலும், மாற்று சாவிகள் நிர்வாகத்திடம் வழங்கும்போது,
கடைகளில் பொருள்கள் காணாமல் போனால் நிர்வாகமே பொறுப்பேற்க வேண்டும்
என்றார் அவர்.