Latest topics

குறி சொல்வதாகக் கூறி மிரட்டி பணம் பறித்த பெண் கைது

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

குறி சொல்வதாகக் கூறி மிரட்டி பணம் பறித்த பெண் கைது

Post by நவீன் Sat Aug 07, 2010 2:51 pm

கும்பகோணம்,

கும்பகோணம் அருகேயுள்ள பட்டீஸ்வரம் ஸ்ரீதேனுபுரீஸ்வரர் கோயிலில்
பக்தர்களிடம் குறி சொல்வதாகக் கூறி மிரட்டி பணம் வசூல் செய்ததாக பெண்ணை
போலீஸôர் கைது செய்தனர். இந்தக் கோயிலில் துர்க்கையம்மன்
சன்னதிக்கு பின்புறம் உள்ள ஞானவாவி திருக்குளத்தின் கரையில் உள்ள
வன்னிமரத்தில், ஏராளமான பெண்கள் தங்கள் வேண்டுதல்கள் நிறைவேற வேண்டி
மஞ்சள் கயிறுகளை கட்டிக் கொண்டிருந்தனர். அப்போது, அங்கு வந்த
பெண், தன்னை சாமியார் என்றும், துர்க்கையம்மன் தன்னிடம்
குடிகொண்டுள்ளதாகவும் கூறி, பக்தர்களுக்கு குறி சொல்வது போல பணம் வாங்கிக்
கொண்டிருந்தார். அவர் மீது சந்தேகம் அடைந்து கேள்வி கேட்ட
பெண்களை, திட்டியதோடு, பணம் கொடுக்காமல் சென்ற பெண்களுக்கு சாபமிட்டாராம்.
தகவலறிந்த போலீஸôர் வந்து அந்தப் பெண்ணை அழைத்துச் சென்று விசாரணை
நடத்தியதில், அவர் மணல்மேடு கிழாய் கிராமத்தைச் சேர்ந்த தியாகராஜன் மனைவி
ஜெயந்தி (48) என்பதும், வீட்டிலேயே குறி சொல்லி வந்ததும் தெரிய வந்தது.
மேலும், குறிசொல்வதை குடும்பத்தினர் கண்டித்ததால், கோயில் கோயிலாகச்
சென்று குறிசொல்வதாகக் கூறி பக்தர்களை மிரட்டி பணம் வசூலித்து வந்ததும்
தெரிய வந்தது. இதையடுத்து, போலீஸôர் ஜெயந்தியைக் கைது செய்தனர்.

நவீன்: வி.ஐ.பி; பதிவுகள் : 4665
இணைந்தது : 29/05/2009