நாடாளுமன்றத்தில் முதன் முதலாக கேள்விக்குப் பதில் அளித்தார் அழகிரி!

ரபீக் · ரபீக் Sat Aug 07, 2010 10:56 am

மத்திய அமைச்சராக பதவியேற்ற பின், முதன் முறையாக மக்களவையில் உறுப்பினரின் கேள்விக்கு மத்திய அமைச்சர் மு.க.அழகிரி பதிலளித்தார்.

மத்திய உரத்துறை அமைச்சராக பதவியேற்ற மு.க.அழகிரிக்கு, நாடாளுமன்ற மக்கள் அவை மற்றும் மாநிலங்கள் அவையில் உறுப்பினர்களின் கேள்விக்கு ஆங்கிலம் மற்றும் இந்தியில் பதில் அளிப்பது சிரமமாக இருந்ததால், கேள்வி நேரத்தின் போது சபைக்கு வருவதை அவர் தவிர்த்து வந்தார். தன் துறை தொடர்பாக உறுப்பினர்கள் எழுப்பும் கேள்விகளுக்குத் தமிழில் பதில் அளிக்க அனுமதிக்க வேண்டும் என்றும் சபாநாயகரிடம் அனுமதி கேட்டிருந்தார்.

அவரின் கோரிக்கையைப் பரிசீலித்த சபாநாயகர் மீரா குமார், "பிரதான கேள்விகளுக்கு ஆங்கிலத்தில் தரப்படும் பதிலை சபையில் அமைச்சர் அழகிரி வாசிக்கலாம். துணை கேள்விகளுக்கு இணை அமைச்சர் ஸ்ரீகாந்த் ஜெனா பதில் அளிப்பார்" என கூறினார்.

இந்நிலையில், நாடாளுமன்ற மக்கள் அவையில் நேற்று கேள்வி நேரத்தின் போது சபையில் இருந்த அமைச்சர் அழகிரியை, பிரதான கேள்விக்குப் பதில் அளிக்கும்படி சபாநாயகர் அழைத்தார்.

உடன் எழுந்த அமைச்சர் அழகிரி, "கேள்வி எண்.161க்கான பதில் சபையில் தாக்கல் செய்யப்பட்டுள்ளது'' என்றார். எம்.பி.க்கள் எழுப்பிய துணை கேள்விகளுக்கு ரசாயனத்துறை இணை அமைச்சர் ஸ்ரீகாந்த் ஜெனா பதில் அளித்தார். அதற்கு முன்னதாக அமைச்சர் அழகிரியிடம் அவர் அனுமதி பெற்றார்.

சபையில் எழுப்பப்பட்ட கேள்விக்கு அமைச்சர் அழகிரி பதில் அளித்தது குறித்து பேசிய காங்கிரஸ் எம்.பி. சரண் தாஸ் மகந்த், "நான் எழுப்பிய கேள்வி இன்றைக்கு முதல் கேள்வியாக பட்டியலிடப்பட்டது எனது அதிர்ஷ்டம். அதே நேரத்தில், அமைச்சர் அழகிரியும் முதன் முறையாக கேள்விக்கு பதில் அளித்துள்ளார்'' என்றார்.

அதன் பின் எழுப்பப்பட்ட பிரதான கேள்விகளுக்கும் அமைச்சர் அழகிரி பதில் அளித்தார். தொகுதி மேம்பாடு நிதியை முறையாக பயன்படுத்திய அழகிரிக்கு இன்று மேலும் உற்சாகம் அளிக்கும் நாளாக இது அமைந்தது என நாடாளுமன்ற தமிழக செய்தியாளர்கள் கூறினார்கள்

balakarthik · balakarthik Sat Aug 07, 2010 10:58 am

பாருங்க சார் நாடாளுமன்றதுல ஒரு அமைச்சார் பேசுறது கூட இங்கே ஆச்சரியமா இருக்கு சிப்பு வருது

நவீன் · நவீன் Sat Aug 07, 2010 12:47 pm

மறுபதிவு கவனிக்கவும் நாடாளுமன்றத்தில் முதன் முதலாக கேள்விக்குப் பதில் அளித்தார் அழகிரி! Icon_eek

**பிளேடு பக்கிரி** · 01/03/2010

balakarthik wrote:பாருங்க சார் நாடாளுமன்றதுல ஒரு அமைச்சார் பேசுறது கூட இங்கே ஆச்சரியமா இருக்கு

நாடாளுமன்றத்தில் முதன் முதலாக கேள்விக்குப் பதில் அளித்தார் அழகிரி! 168300

செந்தில் · செந்தில் Sat Aug 07, 2010 1:12 pm

ஆயிரம் பேருக்கு மத்தியில் அஞ்சாமல் பதில் அளித்த எங்களின் அஞ்சா நெஞ்சன் அழகிரி வாழக.....வாழ்க... நாடாளுமன்றத்தில் முதன் முதலாக கேள்விக்குப் பதில் அளித்தார் அழகிரி! 755837