மயிரிழையில் காப்பாற்றப்பட்ட 60 பிஞ்சு குழந்தைகளின் உயிர்கள்

ரபீக் · ரபீக் Sat Aug 07, 2010 10:59 am

கேரளாவில் உள்ள ஆழப்புழா மாவட்டத்தில் உள்ள ஹரிப்பாடு எனும் நகரில் ரயில் டிரைவர் சாமர்த்தியமாக சரியான தருணத்தில் ப்ரேக்கை அழுத்தியதால் தடுப்பில்லா ரயில் பாதை வழியே 60 குழந்தைகளை ஏற்றி கொண்டு வந்த வேன் விபத்துக்குள்ளாவதிலிருந்து தப்பியது.

60 பிஞ்சு குழந்தைகளை பள்ளிக்கூடத்தில் விடுவதற்காக வந்த வேன் பெங்களூரிலிருந்து திருவனந்தபுரம் வரும் இரயில் கருவட்டாவில் உள்ள தடுப்பில்லா ரயில் பாதையை கடக்க முயன்ற போது சில நிமிடங்கள் சரியாக தண்டவாளத்தில் சிக்கி கொண்டது.

தக்க சமயத்தில் அதை பார்த்து விட்ட இரயில் ஓட்டுநர் அப்துர் ரஹ்மான் மற்றும் துணை ஓட்டுநர் ஷெனித் உடனே ப்ரேக்கை அழுத்தியதால் கிட்டத்தட்ட வேனை உரசிய படி இரயில் நின்றது. கருவட்டாவில் உள்ள அல் அமீன் தொடக்க பள்ளி மாணவர்களை ஏற்றி சென்றுள்ள அவ்வேன் ரயில் தண்டவாளத்தை தாண்ட முயன்ற போது எதிர்பாராத விதமாக அதன் இஞ்சின் நின்று விட்டதாக வேன் டிரைவர் தெரிவித்தார்.