காவல்துறையினரின் அதிரடி சோதனையில் ரூ.1 கோடி தங்கம் கண்டிபிடிப்பு!

by ரபீக் Sat Aug 07, 2010 10:45 am

மதுரை நகர் முழுவதிலும் காவல்துறையினர் நடத்தி வரும் தொடர் அதிரடி சோதனையால் நகரமே மிகுந்த பரபரப்புக்கு உள்ளாகியிருக்கிறது இந்நிலையில் சாலையில் தடுப்பு அமைத்து அவ்வழியாக வரும் வாகனங்களை காவல்துறையினர் தணிக்கை செய்து கொண்டிருந்தனர்.
அப்போது தணிக்கைக்கு உட்படுத்தப்பட்ட நான்கு கார்களில் இருந்து சுமார் ரூபாய் ஒரு கோடி மதிப்புள்ள தங்க பிஸ்கட் மற்றும் வெள்ளிக்கட்டிகள் இருப்பது கண்டுபிடிக்கப்பட்டது மதுரை காவல் ஆணையாளர் உத்தரவுப்படி, மாக் ஆப்பரேஷன் என்ற பெயரில், மதுரை முழுவதும் தொடர் வாகன சோதனையை காவல்துறையினர் நடத்தி வருகின்றனர். மதுரை கோச்சடை துவரிமான் சந்திப்பில் ஒரு இண்டிகா காரில் சோதனை நடத்தப்பட்டபோது அதில் 6 கிலோ தங்க பிஸ்கட்களும், 210 கிலோ வெள்ளிக் கட்டிகளும் இருந்தன. உரிய ஆவணம் இல்லாததால், அவர்களுக்கு 90 ஆயிரம் ரூபாய் அபராதம் விதிக்கப்பட்டது.

இதை தொடர்ந்து மற்றொரு காரில் 80 கிலோ வெள்ளி கொலுசுகள் இருந்தன. அவை, தெற்கு ஆவணி மூல வீதியில் உள்ள ஒரு நகைக் கடைக்கு சொந்தமானது என தெரிந்தது. அவர்களிடம் அசல் ரசீதுகள் இல்லாததால், 28 ஆயிரம் ரூபாய் அபராதம் விதிக்கப்பட்டது. தாமோதரன் என்பவரது காரில் நடத்திய சோதனையில் 60 கிலோ வெள்ளி கட்டிகள் இருந்தன. அதற்கான முறையான ஆவணம் இல்லாததால் 29 ஆயிரம் ரூபாய் அபராதம் விதிக்கப்பட்டது.

மேலும் இதுதொடர்பாக விசாரணை நடக்கிறது. இந்த சோதனையின்போது சிலர் தாங்கள் ஓட்டி வந்த மோட்டார் சைக்கிள்களை ஆங்காங்கே நிறுத்தி விட்டு சென்று விட்டனர். மொத்தம் 12 மோட்டார் சைக்கிள்களை காவல்துறையினர் கைப்பற்றினர் அதில் ஐந்து மோட்டார் சைக்கிள்கள் திருடப்பட்டவை என தெரியவந்துள்ளது.