சிவாஜி சாரிடம் நான் ஒரு கேள்வி கேட்டேன்”சத்யராஜ்”

தூத்துக்குடி வீரமும் ஈரமும் ஆகிய படங்களை இயக்கியவர் சஞ்சய் ராம். இவரது இயக்கத்தில் வெளிவரப்போகும் புதியப்படம் கௌரவர்கள். சத்யராஜ்,
விக்னேஷ், ரஞ்சித், மோனிகா நடித்துள்ள படம் இது. இப்படத்தின் பாடல்
வெளியீட்டு விழாவும், பின்பு பத்திரிகையாளர்கள் சந்திப்பும் நடந்தது.
வழக்கம் போல சத்யராஜ் பேச்சு டாப்போ டாப்.
புதிய வானம் படப்பிடிப்பில் சிவாஜி சாரிடம் நான் ஒரு கேள்வி கேட்டேன்.
அப்பா… உங்களுக்கு பிடிச்ச நடிகர் யாருன்னு. ஏண்டா கவுண்டா, யாருன்னு நான்
சொன்னா ஓஹோ அவர பார்த்துதான் நான் காப்பியடிக்கிறேனான்னு தெரிஞ்சுக்கதானே
கேட்கிறே என்று கிண்டலாக கேட்ட சிவாஜி சார், அதுக்கு பதிலையும் சொன்னாரு.
அவருக்கு பிடிச்ச நடிகர் திலிப்குமார்தானாம். உடனே திலிப்குமார் நடிச்ச
படங்களின் டிவிடிகளை வாங்கி போட்டு பார்த்தேன். எல்லாத்திலேயும் அவருடைய
எக்ஸ்பிரஷன்ஸ் அற்புதம். டயலாக்கே இல்லாம அவரு முகமும் உடம்பும்தான்
நடிக்குது. இதே மாதிரி ஒரு படத்தில நாமும் நடிக்கணும்னு நினைச்சுக்கிட்டு
இருந்தேன். என் ஆசையை இருபது வருஷம் கழிச்சு நிறைவேற்றி வச்சுருக்காரு
சஞ்சய்ராம்.
இந்த படத்தில எனக்கு டயலாக் ரொம்ப ரொம்ப கம்மி. முழுக்க முழுக்க பாடி
லாங்குவேஜும், முக அசைவுகளும்தான் என் நடிப்பு. அதுக்கு தினா ரீ
ரெக்கார்டிங் வாசிச்ச பிறகு பார்த்தால் செம மிரட்டலா இருக்கு. சும்மா
சொல்லலைங்க. இந்த படம் மிகப்பெரிய ஹிட் ஆகும் என்றார் சத்யராஜ்.
(நம்புங்க, தினா 35 நாள் ரீரெக்கார்டிங் பண்ணினாராம்)
படத்தை பத்து தியேட்டர் அதிபர்கள் ஒன்றாக சேர்ந்து தயாரிக்கிறார்கள். இந்த
பாடல் வெளியீட்டு விழாவுக்கு நேரில் வந்து அந்த பத்து பேருக்கும் பொன்னாடை
போர்த்தியது சுமார் நாற்பது தியேட்டர் அதிபர்கள். தியேட்டருக்கு ஒரு
பிரிண்ட்டுன்னு போட்டாலே, போட்ட பணத்தை எடுத்திருவாங்க போலிருக்கே.