ரஜினி என் நண்பரானது எனது பாக்கியம்! உருகும் கமல்!

ரஜினி என் நண்பரானது எனது பாக்கியம்
என்று கமல் கூறியுள்ளார். கமலின் திரையுலக பொன்விழாவையொட்டி, டெல்லியில்
அவருக்கு பாராட்டு விழா நடந்தது.








அடுத்ததாக கமலின் 50 ஆண்டுகால திரையுலக
சேவையை கௌரவிக்கும் வகையில் அவருக்கு கேரள மாநில சுற்றுலாத்துறை சார்பில்
பாராட்டு விழா நடத்தப்படுகிறது.





ஆகஸ்ட் 22ல் ஓணம் திருவிழா
கொண்டாட்டத்தின் போது இந்த பாராட்டு விழா நடைபெறும் என்று கூறப்படுகிறது.
கேரள சுற்றுலாத்துறை சார்பில் நடைபெறவுள்ள இந்த பாராட்டு விழாவுக்கு கேரள
திரைப்பட தயாரிப்பாளர் சங்கம், கேரள திரையுலக ஊழியர் கூட்டமைப்பு, கேரள
திரைப்பட வர்த்தக சபை உள்ளிட்ட அமைப்புகள் ஆதரவு தெரிவித்துள்ளன.



இதுபற்றி கமல் கூறியதாவது,



சினிமாவுக்கு வந்து 50
ஆண்டுகள் ஆகிவிட்டன. இதை சாதனையாக கருதவில்லை. சாதிக்க வேண்டியது நிறைய
உள்ளது. ஆஸ்கர் விருது கிடைக்காததால் வருத்தம் உண்டா என கேட்கிறார்கள்.
கண்டிப்பாக கிடையாது.



எனது இன்னொரு நண்பர் ஏ.ஆர்.ரகுமான் அந்த
விருதை பெற்றிருக்கிறார். தமிழனாக இதற்காக பெருமைப்படுகிறேன். அரசியலுக்கு
வரும் எண்ணம் இல்லையா என்று பலரும் கேட்டுவிட்டார்கள். இல்லை என்பதுதான்
அப்போதும் இப்போதும் எனது பதில் என்றார்.



ரஜினிகாந்த் பற்றி இந்த நேரத்தில் சொல்ல
வேண்டும். ஒருமுறை இயக்குனர் ஒருவரின் அறையில் அமர்ந்திருந்தேன். ‘உங்கள்
படத்தில் புதுமுக நடிகர் ஒருவர் நடிக்க உள்ளார். அடையார் பிலிம்
இன்ஸ்டிடியூட்டில் படித்தவர், கராத்தே எல்லாம் தெரியும்’ என்றார். அவரது
பெயரை கேட்டேன். மராத்தி பெயரை சொன்னார்கள். அவர்தான் ரஜினிகாந்த்.



எனக்கு ராஜன் என்ற நெருங்கிய நண்பர்
இருந்தார். அவர் குறுந்தாடி வைத்திருப்பார். என்னுடன் நடித்த படத்துக்காக
ரஜினியும் குறுந்தாடி வைத்திருந்தார். புற்றுநோயால் பாதிக்கப்பட்ட ராஜன்,
அந்த பட ரிலீசுக்கு பின் இறந்தார். ‘உங்களுக்கு குறுந்தாடி நன்றாக
இருக்கிறது’ என பலர் சொல்லியும், ராஜன் நினைவு வருவதால் அதை ரஜினி
எடுத்துவிட்டார்.



இப்போது ராஜனை போல, ரஜினியும் எனக்கு
நெருங்கிய நண்பராக இருக்கிறார். இது என் பாக்கியம் என்றார் கமல். தமிழ்
சினிமாவின் வெற்றி ஜோடியாக வலம் வந்தவர்கள் கமல்ஹாசன், ஸ்ரீதேவி. இருவரும்
இணைந்து 27 படங்களில் நடித்துள்ளனர். இருவரும் காதலித்து வந்ததாக அப்போது
தகவல்கள் வந்தன. இது குறித்த கேள்விக்கு பதில் அளித்த கமல், அதிக
படங்களில் என்னுடன் ஜோடி சேர்ந்தவர் ஸ்ரீதேவி.


அவரை மறக்கவே முடியாது. காரணம், அப்போது
எங்களுக்குள் காதல் என ஒரு கதை ஓடிக்கொண்டிருந்தது. நாங்கள் திருமணம்
செய்துகொள்வோம் என்றுகூட சிலர் சொன்னார்கள். ஸ்ரீதேவியின் அம்மாவும்
அப்படி நினைத்தார். ஆனால் உண்மை அது இல்லை. ஸ்ரீதேவி நல்ல குணம் கொண்டவர்.
அதனால் அவரை பிடிக்கும். என்னைப் பற்றி அவர் என்ன நினைக்கிறார் என்பது
தெரியாது. ஆனால் அன்று முதல் இன்று வரை அவர் என்னை ‘சார்’ என்றுதான்
அழைப்பார். அவர் கொஞ்சமும் மாறவில்லை என்றார்

நடப்பு மேலும் மேலும் வலு பெற வாழ்த்துகள்!