தேர்தலில் நிற்க முடியாது என்பதற்காக வழக்கை ஜெயலலிதா வாய்தா வாங்கி இழுத்தடிக்கிறார் நாஜிம் எம்.எல்.ஏ. தாக்கு

காரைக்கால்,
காரைக்காலிலுள்ள
டாக்டர் அம்பேத்கர் வீதி, மாதாக்கோவில் வீதி சந்திப்பில், காரைக்கால்
மாவட்ட தி.மு.க. சார்பில் அ.தி.மு.க பொதுச்செயலாளர் ஜெயலலிதாவை கண்டித்து
கண்டன ஆர்ப்பாட்டம் நடைபெற்றது. காரைக்கால் மாவட்ட தி.மு.க அமைப்பாளரும்,
புதுச்சேரி சட்டமன்ற எதிர்க்கட்சித் தலைவருமான ஏ.எம்.எச்.நாஜிம் தலைமை
தாங்கி பேசியதாவது:-

தனது
மீதான சொத்துக்குவிப்பு வழக்கை தள்ளிப்போட்டு விடலாம் என்ற எண்ணத்தில்
ஜெயலலிதா நீதிமன்றத்தில் வாய்தா மேல் வாய்தாவை வாங்கிக் கொண்டிருப்பது
எதற்காக? தீர்ப்பு வந்து விட்டால் அது அவருக்கு பாதகமாக அமையும்.

அவ்வாறு
அமைந்தால் அவர் மீண்டும் தேர்தலில் நிற்க முடியாத சூழ்நிலை ஏற்படும்.
அவ்வாறு ஏற்பட்டால் ஒட்டு மொத்த அ.தி.மு.க.வும் கூண்டோடு காலி ஆகிவிடும்
என்பதற்காகத்தான் வாய்தா கேட்டு எப்படி யாவது தேர்தலுக்கு பின்னர் வழக்கை
பார்த்துக் கொள்ளலாம் என்ற நினைப்பில் ஜெயலலிதா வாழ்ந்து
கொண்டிருக்கிறார். எனவேதான் தளபதியின் கட்டளையை ஏற்று நீதிமன்றத்தின்
கவனத்தை ஈர்க்கும் வகையில் இந்த கண்டன ஆர்ப்பாட்டத்தை காரைக்காலிலும்
நடத்துகிறோம்.

இவ்வாறு அவர் பேசினார்.

முன்னதாக
ஆர்ப்பாட்டத்தில் மாவட்ட துணை அமைப்பாளர்கள் ஆசைத்தம்பி, அர்ச்சுணன்,
பொருளாளர் சங்கர், பொதுக்குழு உறுப்பினர்கள் காசிநாதன், ஜேம்ஸ்,
மணிவண்ணன், இராஜ லெட்சுமி, காரைக்கால் நகரமன்ற தலைவி பிரபாவதி,
திருபட்டினம் கொம்யூன் பஞ்சாயத்து தலைவி கீதா ஆனந்தன் ஆகியோர் முன்னிலை
வகித்தனர்.
தொகுதி செயலாளர்கள் ராஜ்மோகன், மாறன், முருகன், அவைத் தலைவர்கள் ராமச்சந்திரன், சதாசிவம் உள்பட பலர் கலந்து கொண்டனர்.

யோக்கியனுக்கு யோக்கியன்...!

கலை wrote:யோக்கியனுக்கு யோக்கியன்...!