திருநகர் அருகே என்ஜினீயரிங் கல்லூரி இயக்குனருக்கு கத்திக்குத்து மாணவர் மீது போலீசார் வழக்கு

நவீன் · நவீன் Fri Aug 06, 2010 7:45 pm

திருப்பரங்குன்றம்,

மதுரையை
அடுத்த திருநகர் அருகே தனியார் என்ஜினீயரிங் கல்லூரி செயல்பட்டு வருகிறது.
இங்கு சுமார் 1500-க்கும் மேற்பட்ட மாணவ-மாணவிகள் படித்து வருகிறார்கள்.
இக்கல்லூரியின் தாளாள ராக பாண்டியன் என் பவரும், இயக்குநராக அவரது மகன்
தனவேலனும் இருந்து வருகின்றனர்.

இந்த
நிலையில் இக்கல்லூரியில் 3-ம் ஆண்டு படித்து வரும் அதே பகுதியை சேர்ந்த
மாணவர் கார்த்திக் (வயது20) என்பவர் கல்லூரிக்கு சரியாக செல்ல வில்லை
என்று கூறப்படு கிறது. அத்துடன் தகாத நண்பர்களுடன் சேர்ந்து கல்லூரிக்கு
எதிரான நடவடிக்கைகளில் ஈடுபட்டு வந்துள்ளார்.

கல்லூரி நிர்வாகம் அவரை திருத்திக் கொள்ளுமாறும், படிப்பில் கவனம்
செலுத்துமாறும் பலமுறை அறிவுரை வழங்கியது. ஆனால் மாணவர் கார்த்திக்
திருந்த வில்லை. எனவே அவரை கல்லூரியில் இருந்து நீக்கி இயக்குநர் தனவேலன்
உத்தரவிட்டார்.

இதைக்கேட்டு
ஆத்திர மடைந்த மாணவர் கார்த்திக் தனது நண்பர்களுடன் சென்று கல்லூரி
இயக்குநர் தனவேலனிடம் விளக்கம் கேட்டார். அப்போது அவர்களுக்கு இடையே
ஏற்பட்ட வாக்குவாதம் தகராறாக மாறியது. உடனே மாணவர் கார்த்திக் தான்
மறைத்து வைத்திருந்த கத்தியை எடுத்து கல்லூரி இயக்குநர் தனவேலனை சரமாரியாக
குத்தினார். இதில் படுகாயமடைந்த அவர் மதுரையில் உள்ள ஒரு தனியார்
ஆஸ்பத்திரியில் அனுமதிக்கப்பட்டு சிகிச்சை பெற்று வருகிறார்.

சம்பவம்
தொடர்பாக கல்லூரி தாளாளர் பாண்டி யன் திருநகர் போலீசில் புகார் செய்தார்.
அதன் பேரில் போலீசார் வழக்குப்பதிவு செய்து தலைமறைவான மாணவர் கார்த்திக்கை
தேடி வருகிறார்கள்.

திருநகர் அருகே என்ஜினீயரிங் கல்லூரி இயக்குனருக்கு கத்திக்குத்து மாணவர் மீது போலீசார் வழக்கு

திருநகர் அருகே என்ஜினீயரிங் கல்லூரி இயக்குனருக்கு கத்திக்குத்து மாணவர் மீது போலீசார் வழக்கு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக