பீகாரில் கொள்ளை கும்பல் அட்டூழியம் துப்பாக்கியால் சுட்டு பயணிகளிடம் கொள்ளை மோதலில் 25 பேர் படுகாயம்

மேற்கு வங்காள மாநிலம் அவுராவில் இருந்து டெல்லிக்கு லால்குய்லா எக்ஸ்பிரஸ் ரெயில் சென்று கொண்டு இருந்தது.

இன்று அதிகாலையில் அந்த ரெயில் பீகார் மாநி லம் பன்சிபூர்-பகலுய் ரெயில் நிலையங்களுக்கு இடையே சென்று கொண்டு இருந்தது.

ரெயில்
மெதுவாக சென்ற போது 50 கொள்ளையர்கள் துப்பாக்கியுடன் ரெயிலின் ஏ.சி.
பெட்டியில் ஏறினார்கள். உடனே பயணிகள் அதிர்ச்சி அடைந்தனர். கொள்ளையர்களை
பார்த்ததும் சிலர் அபாய சங்கிலி யைப்பிடித்து இழுத்து ரெயிலை நிறுத்த
முயன்றனர். உடனே கொள்ளையர்கள் துப்பாக்கியை காட்டி மிரட்டினார்கள்.

அப்போது
ரெயில் பெட்டியில் பாதுகாப்புக்கு இருந்த ரெயில்வே பாதுகாப்பு படை
போலீஸ்காரர் அவர்களை தடுக்க முயன்றார். இதையடுத்து கொள்ளையர்களுக்கும்
ரெயில் பயணிகளுக்கும் மோதல் ஏற்பட்டது.

ஆத்திரம்
அடைந்த கொள்ளையர்களில் ஒருவன் ரெயில்வே பாதுகாப்பு படை போலீஸ்காரரை நோக்கி
துப்பாக்கியால் சுட்டான். இதில் அவர் மீது குண்டு பாய்ந்தது. மற்றவர்கள்
துப்பாக்கி கட்டையால் பயணிகளை கடுமையாக தாக்கினார்கள். இதில் 25 பயணிகள்
காயம் அடைந்தனர்.

பின்னர் பயணிகளிடம் இருந்த நகை, பணம், பொருட்களை கொள்ளையடித்து விட்டு ரெயிலில் இருந்து இறங்கி தப்பி ஓடி விட்டனர்.

ரெயில்
கியுல் ரெயில் நிலையத்தை அடைந்ததும் பயணிகள் அனைவரும் இறங்கி அங்கிருந்த
அதிகாரிகளுடன் வாக்கு வாதத்தில் ஈடுபட்டனர். ஏ.சி. பெட்டியில் தகுந்த
போலீஸ் பாது காப்பு போடப்படாதது ஏன் என்று கேட்டு ஆவேச குரல்
எழுப்பினார்கள்.

அப்போது
ஆத்திரம் அடைந்த பயணிகள் ஸ்டேஷன் மாஸ்டர் அறையை சூறையாடினார்கள். தகவல்
கிடைத்ததும் உயர் அதிகாரிகள் விரைந்து வந்து அவர்களை
சமாதானப்படுத்தினார்கள்.

கொள்ளையர்கள் சுட்டத்தில் காயம் அடைந்த ரெயில்வே பாதுகாப்பு போலீஸ்காரரும் பயணிகள் 25 பேரும் ஆஸ்பத்திரியில் அனுமதிக்கப்பட்டனர்.

குண்டு
காயம் அடைந்த ரெயில்வே பாதுகாப்பு படை போலீஸ்காரரின் நிலை கவலைக்கிடமாக
உள்ளது. கொள்ளையர்களில் 15 பேர் அதே ரெயிலில் பயணம் செய்து வந்துள்ளனர்.
குறிப்பிட்ட இடம் வந்ததும் ரெயிலின் அபாய சங்கிலியைப் பிடித்து
நிறுத்தியதும் மற்ற கொள்ளையர்கள் ஏ.சி. பெட்டியில் ஏறி கொள்ளையில்
ஈடுபட்டனர். ரூ.2 லட்சம் மதிப்புள்ள பணம் பொருட்கள்
கொள்ளையடிக்கப்பட்டுள்ளன.

கொள்ளை
நடந்த ஏ.சி. ரெயில் பெட்டியில் சிவபக்தர்கள் பயணம் செய்துள்ளனர்.
அவர்களில் பலர் காயம் அடைந்தனர். ஜார்க் கண்ட் மாநிலம் தியோகரில் உள்ள
சிவன் கோவிலில் சாமி கும்பிட்டு விட்டு சொந்த ஊர் திரும்பு கையில் இந்த
சம்பவம் நடந்துள்ளது.

ஓடும் ரெயிலில் துப்பாக்கியால் சுட்டு பயணிகளிடம் கொள்ளையடித்த சம்பவம் பெரும் பரபரப்பை ஏற்படுத்தியுள்ளது.
இது தொடர்பாக ரெயில்வே போலீசார் வழக்கு பதிவு செய்து விசாரணை நடத்தி வருகிறார்கள்.