சுதந்திர தின பாதுகாப்பு ஏற்பாடுகள்:

சுதந்திர தின பாதுகாப்பு ஏற்பாடுகள்:

சென்னை விமான நிலையத்தில்

பார்வையாளர்களுக்கு தடை


ஆலந்தூர்,


ஆகஸ்ட்
15-ந் தேதி சுதந்திர தினத்தையொட்டி நாடு முழுவதும் பாதுகாப்பு ஏற்பாடுகள்
இப்போதே தொடங்கப்பட்டு விட்டன. பொதுமக்கள் கூடும் இடங்களில் போலீஸ்
கண்காணிப்பு தீவிரப்படுத்தப்பட்டுள்ளது.

சென்னை
விமான நிலையத்தில் பாதுகாப்பு ஏற்பாடுகள் பலப்படுத்தப் பட்டுள்ளன. விமான
நிலையத்தின் அனைத்து பகுதிகளிலும் கண்காணிப்பு பணிகளை அதிகப்படுத்த
அதிகாரிகள் முடிவு செய்துள்ளனர்.

நேற்று
நள்ளிரவு 12 மணி முதல் விமான நிலையத்துக்குள் பார்வை யாளர்கள் நுழைய தடை
விதிக்கப்பட்டுள்ளது. மறு உத்தரவு வரும் வரை இந்த தடை உத்தரவு அமலில்
இருக்கும். பார்வையாளர் களுக்கான நுழைவு சீட்டு விற்பனையும்,
நிறுத்தப்பட்டுள்ளது. இதற்கான டிக்கெட் கவுண்டர்கள் மூடப்பட்டுள்ளன.
முக்கிய பிரமுகர்கள் வந்து செல்லும் பகுதியில் நீண்ட நேரம் வாகனங்களை
நிறுத்தவும் அனுமதி மறுக்கப்பட்டுள்ளது.

கார்
பார்க்கிங்பகுதியில் அனாதையாக கிடக்கும் மர்ம சூட்கேஸ்கள் கைப்
பற்றப்படுவதும், இதனால் தேவையற்ற பரபரப்பு ஏற்படுவதும் வாடிக்கையான
ஒன்றாகி விட்டது. இது போன்ற சம்பவங்கள் நடை பெறாமல் இருக்க, கார்களை
நிறுத்தும் பகுதியில் சந்தேக நபர்கள் நடமாட்டத்தையும் போலீசார் ரகசியமாக
கண்காணித்து வருகிறார்கள்.

விமான
நிலையத்துக்குள் நுழையும் அனைத்து வாகனங்களும் தீவிரசோதனைக்கு பின்னரே
உள்ளே அனு மதிக்கப்படுகின்றன. பயணிகளின் உடைமைகளும் கடுமையான
சோதனைக்குட்படுத்தப்படுகின்றன.

விமான
நிலைய பாதுகாப்பு தொடர்பான ஆலோசனை கூட்டம் 2 நாட்களுக்கு முன்பு நடைபெற்
றது. மத்திய பாதுகாப்பு படை, விமான பாதுகாப்பு படை, விமான ஆணையம், தொழில்
பாதுகாப்பு படை உள்ளிட்ட பல்வேறு பிரிவுகளை சேர்ந்த பாதுகாப்பு அதிகாரிகள்
இதில் பங்கேற்றனர்.

இந்த கூட்டத்தில் விமான நிலைய பாதுகாப்பு பணியில் ஈடுபடும் அனைவரும் ஒருங்கிணைந்து செயல்பட முடிவு செய்யப்பட்டுள்ளது.

விமான நிலையங்களில் தீவிரவாதிகள் தாக்குதல் நடத்தக் கூடும் என மத்திய உளவு துறை அதிகாரிகள் ஏற்கனவே எச்சரிக்கை விடுத்துள்ளனர்.

இது குறித்தும் கூட்டத்தில் விரிவாக விவாதிக்கப்பட்டுள்ளது.