திண்டுக்கல்- திருச்சி வந்த பஸ்சில் தூக்க மாத்திரை தின்று மயங்கி கிடந்த பள்ளி மாணவி: ஆஸ்பத்திரியில் சிகிச்சை

நவீன் · நவீன் Fri Aug 06, 2010 4:44 pm

திருச்சி

திண்டுக்கல்லில் இருந்து திருச்சிக்கு நேற்று மாலை ஒரு அரசு பஸ் வந்தது. பஸ்சில் 40 பயணிகள் இருந்தனர். அந்த பஸ் திருச்சி மத்திய பஸ் நிலையம் வந்ததும் அனைத்து பயணிகளும் இறங்கிச் சென்றனர்.

அப்போது
ஒரு சிறுமி மட்டும் பள்ளி சீருடை அணிந்திருந்த நிலையில் மட்டும்
பஸ்சிலிருந்து இறங்காமல் சீட்டில் இருந்தார். அவர் தூங்கி விட்டாரோ என
நினைத்த கண்டக்டர் அவரை எழுப்பினார்.

ஆனால்
அந்த மாணவி எழுந்திருக்கவில்லை. இதனால் பயணிகளும் கண்டக்டரும் அதிர்ச்சி
அடைந்தனர். அந்த சிறுமி, தூக்க மாத்திரை சாப்பிட்டதால் மயங்கி கிடந்தது
தெரிய வந்தது.

உடனே அவரை திருச்சி அரசு ஆஸ்பத்திரியில் சிகிச்சைக்காக சேர்த்தனர். அவருக்கு அங்கு தீவிர சிகிச்சை அளிக்கப்பட்டது. அதன் பிறகு அந்த மாணவியிடம் திருச்சி கண்டோன்மெண்டு மகளிர் போலீசார் விசாரணை நடத்தினார்கள்.

அப்போது அந்த மாணவி தனது பெயர் உதயா(16) தந்தை பெயர் ஜெயச்சந்திரன் என்று கூறினார். தனக்கு திண்டுக்கல், சொந்த ஊர் என்றும் கூறினார்.

ஆனால்
எதற்காக தூக்கமாத்திரை சாப்பிட்டாய் என கேட்டதற்கு உதயா பதில் கூறவில்லை.
இது குறித்து திண்டுக்கல்லில் உள்ள அவரது பெற்றோருக்கு போலீசார் தகவல்
தெரிவித்தனர்.

மாணவி
உதயா தேர்வில் மார்க் குறைந்ததால் பெற்றோர் தீட்டியதால் தூக்க மாத்திரை
தின்றாரா? அல்லது அவரை யாராவது மயக்க மாத்திரை கொடுத்து கடத்த
முயன்றார்களா? என்பது மர்மமாக உள்ளது.

தற்போது மாணவி உதயாவுக்கு போலீஸ் பாதுகாப்புடன் சிகிச்சை நடந்து வருகிறது.

திண்டுக்கல்- திருச்சி வந்த பஸ்சில் தூக்க மாத்திரை தின்று மயங்கி கிடந்த பள்ளி மாணவி: ஆஸ்பத்திரியில் சிகிச்சை

திண்டுக்கல்- திருச்சி வந்த பஸ்சில் தூக்க மாத்திரை தின்று மயங்கி கிடந்த பள்ளி மாணவி: ஆஸ்பத்திரியில் சிகிச்சை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக