சன் சீ கப்பல், நாடு கடந்த தமிழீழ அரசாங்கத்தின் ஒரு கட்ட நடவடிக்கையாகும் : அமெரிக்க முன்னாள் அதிகாரி கருத்து..!

நிசாந்தன் · நிசாந்தன் Fri Aug 06, 2010 7:13 pm

எம்.வீ.சன்.சீ. கப்பல் மூலம் 200 இலங்கை அகதிகள் கனடாவுக்கு கொண்டு செல்லப்படுவது, நாடுகடந்த தமிழீழ அரசாங்கத்தின் ஒருகட்ட நடவடிக்கையாக இருக்கலாம் என அமெரிக்காவின் முன்னாள் தென் மற்றும் தென்கிழக்கு ஆசியாவிற்கு பொறுப்பான பிரதி பாதுகாப்பு செயலாளர் ஜேம்ஸ் கலாட்ஸை சந்தேகம் வெளியிட்டுள்ளார்.

இவ்வாறு அமெரிக்காவின் முன்னாள் தென் மற்றும் தென்கிழக்கு ஆசியாவிற்கு பொறுப்பான பிரதி பாதுகாப்பு செயலாளர் ஜேம்ஸ் கலாட்ஸை மேற்கோள்காட்டி, த வாசிங்டன் போஸ்ட் செய்தி வெளியிட்டுள்ளது.

கனடாவிற்கு வரும் 200-க்கும் மேற்பட்ட இலங்கை அகதிகள், தமிழீழ விடுதலைப்புலிகளுடன் தொடர்புடையவர்கள் என்ற குற்றச்சாட்டை இலங்கை அரசாங்கம் முன்னதாக முன்வைத்திருந்தது.

எனினும் கனேடிய தமிழ் காங்கிரஸ் பேச்சாளர் டேவிட் பூபால பிள்ளை இதனை நிராகரித்ததுடன், அவர்கள் விடுதலை இயக்கத்துடன் தொடர்பற்றவர்கள் என குறிப்பிட்டிருந்தார்.

இந்த நிலையில் குறித்த கப்பல் தொடர்பில் கருத்தை வெளியிட்டுள்ள ஜேம்ஸ் கலாட்ஸ், தமிழீழ விடுதலைப்புலிகளின் நாடு கடந்த தமிழீழ அரசாங்கத்தின் ஒரு செயல்பாடாக இதுவும் இருக்கலாம் என தெரிவித்துள்ளார்.

தமிழீழ விடுதலைப்புலிகள் நாடு கடந்த அரசாங்கத்தை முன்னிட்டு, பல்வேறு வேலைத் திட்டங்களை தற்போது மேற்கொண்டு வருகிறது. அதன் அடிப்படையில் தமது வலையமைப்பை சக்திமயப்படுத்திக் கொள்ளும் பொருட்டு, அவர்கள் அழைத்து வரப்பட்டிருக்கலாம் என அவர் குறிப்பிட்டுள்ளார்.
எவ்வாறாயினும் தாம் கனடா வரும் அகதிகளை பாரிய மரண அபாயங்களுடன் மீண்டும் இலங்கைக்கே திருப்பி அனுப்பிவிட வேண்டும் என்ற கருத்தை முன் வைக்கவில்லை எனவும் அவர் தெரிவித்துள்ளார்.

ஏற்கனவே தாம் பல்வேறு குடியேறிகளுக்கு உதவியுள்ளதாகவும், எனினும் சில அகதிகள் சட்டவிரோதமாக செயல்படுகின்றமை அவதானிக்க கூடியதாக இருப்பதாகவும் அவர் சுட்டிக்காட்டியுள்ளார்.

சன் சீ கப்பல், நாடு கடந்த தமிழீழ அரசாங்கத்தின் ஒரு கட்ட நடவடிக்கையாகும் : அமெரிக்க முன்னாள் அதிகாரி கருத்து..!

சன் சீ கப்பல், நாடு கடந்த தமிழீழ அரசாங்கத்தின் ஒரு கட்ட நடவடிக்கையாகும் : அமெரிக்க முன்னாள் அதிகாரி கருத்து..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக