புலிகளின் வருகை சர்வதேச நாடுகளுக்கு எதிர்காலத்தில் அச்சுறுத்தலாக அமையலாம்! கோத்தபாய

நிசாந்தன் · நிசாந்தன் Fri 6 Aug 2010 - 20:28

சர்வதேச நாடுகளில் புலிகளின் செயற்பாடுகள் அதிகரித்தே காணப்படுகின்றன. விடுதலைப் புலிகளின் முன்னாள் உறுப்பினர்கள் புகலிடம் கோரும் அப்பாவிகள் போன்று நடித்து ஏனைய நாடுகளுக்குள் நுழைய முயல்கின்றார்கள். இவர்களின் வருகை இந்நாடுகளின் பாதுகாப்பிற்கு எதிர்காலத்தில் அச்சுறுத்தலாக அமையலாம் என சிறிலங்காவின் படைத்துறைச் செயலர் கோத்தபாய ராஜபக்ச கூறியுள்ளார்.

இன்று, கடல் ஒத்துழைப்பு தொடர்பான 10 நாடுகள் கலந்து கொள்ளும் மாநாடு காலியில் இடம்பெற்றது. இந்நிகழ்வில் கலந்து கொண்டு உரைநிகழ்த்தும்போதே அவர் இவ்வாறு பேசினார். கடற்பாதுகாப்பு தொடர்பாகவும், கடற்கொள்ளை, மனிதக் கடத்தல், போதைப் பொருள் கடத்தல் போன்றவற்றைத் தடுத்தல் தொடர்பாகவும் நாடுகளுக்கிடையேயான கூட்டுச் செயற்பாட்டை அதிதரிக்கும் நோக்குடன் இம்மாநாடு நடத்தப்பட்டது.
இந்நிகழ்வில் இந்தியா, பாகிஸ்தான், பூட்டான், பங்களாதேஸ், நேபாளம், அவுஸ்திரேலியா, தென் ஆபிரிக்கா, சிங்கப்பூர், தென் கொரியா, ஓமான் ஆகிய நாடுகள் கலந்து கொண்டன.

இந்நிகழ்வில் கலந்து கொண்ட வெளிநாட்டுப் பிரதிநிதிகள் முன்னிலையில் உரைநிகழ்த்திய படைத்துறைச் செயலர் கோத்தபாய, சர்வதேச ஆட்கடத்தல்களை முறியடிப்பதற்கு புலனாய்வுத் தகவல்களை நாடுகள் தமக்கிடையே பகிர்ந்து கொள்வதன் அவசியம் பற்றி பேசினார்.

புலிகளின் அச்சுறுத்தல் தொடர்பாக சர்வதேச நாடுகளுக்கு நாம் பலமுறை எச்சரிக்கை விடுத்துள்ளோம். எனவே அரசியற் புகலிடம் அளிக்கும் விடயத்தில் விடுதலைப் புலிகள் குறித்து எச்சரிக்கையை கடைப்பிடிப்பது அவசியம் என அவர் மேலும் தெரிவித்தார். இதேவேளை, 200 அகதிகளுடனான எம் வீ சன் சீ கப்பல் பல மாதகாலமாக சர்வதேசக் கடற்பரப்பில் அவதானிக்கப்பட்டு வருகிறது.

இந்தக் கப்பலில் செல்லும் தமிழர்கள் அனைவரும் தமிழீழ விடுதலைப் புலிகளின் சிரேஷ்ட உறுப்பினர்கள் என, பயங்கரவாதம் தொடர்பான நிபுணர் எனக் கூறப்படும் ரொஹான் குணரட்னவே தெரிவித்திருந்தது இங்கு குறிப்பிடத்தக்கது. இக்கப்பல் எதிர்வரும் வாரமளவில் கனடாவின் கடற்பரப்பை அல்லது பிரிட்டிஷ் கொலம்பிய நகரைச் சென்றடையும் என எதிர்பார்க்கப்படுகிறது.

புலிகளின் வருகை சர்வதேச நாடுகளுக்கு எதிர்காலத்தில் அச்சுறுத்தலாக அமையலாம்! கோத்தபாய

புலிகளின் வருகை சர்வதேச நாடுகளுக்கு எதிர்காலத்தில் அச்சுறுத்தலாக அமையலாம்! கோத்தபாய

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக