பெண்ணின் நாக்கு துண்டிப்பு! 2 பேர் கைது ஒருவருக்கு வலைவீச்சு!

by நவீன் Fri Aug 06, 2010 4:00 pm

சோன்பத்ரா
: உத்தர பிரதேச மாநிலம், கியோர்பூர் பகுதியில் உள்ள கார்கையா கிராம
பஞ்சாயத்தில், பெண்ணின் நாக்கை துண்டித்து, கொடூர தண்டனை விதித்துள்ளனர்.
இது தொடர்பாக, இரண்டு மந்திரவாதிகளை காவலர்கள் கைது செய்துள்ளனர்.

உத்தர
பிரதேச மாநிலம், கியோர்பூர் பகுதியில் உள்ள கார்கையா கிராமத்தைச்
சேர்ந்தவர் ஷா தேவ் இவரது மகள் சோனியா (4). கடந்த சில மாதங்களாக
நோய்வாய்ப்பட்டிருந்த இச்சிறுமி கடந்த ஞாயிற்றுக்கிழமை இறந்துவிட்டாள்.
இதற்கு, ஷாதேவின் மைத்துனி ஜெகதீஸ்வரி தான் காரணம் என்றும்,
ஜெகதீஸ்வரியிடம் கெட்ட ஆவிகள் உள்ளதால், அவள் குறி சொன்னதால் தான் சோனியா
இறந்தாள் என்றும் அப்பகுதி மந்திரவாதிகள் சிலர் கூறினர். இது குறித்து,
அக்கிராம பஞ்சாயத்தில் ஷா தேவ் முறையிட்டார்.

முன்னதாக,
ஷா தேவின் இரண்டு மகள்களும் வேறு நோய் தாக்குதலுக்கு உள்ளாகி ஏற்கனவே
இறந்துவிட்டனர். இதை விசாரித்த கிராம பஞ்சாயத்து, ஜெகதீஸ்வரி சொல்லும்
குறியால் இத்தகைய துர்சம்பவங்கள் நடக்கின்றன என்றும், எனவே, அவளது நாக்கை
துண்டித்துவிட வேண்டும் என்றும் தீர்ப்பளித்தது. அதன்படி, ஜெகதீஸ்வரியை
மரத்தில் கட்டி வைத்து, அவளது நாக்கை அறுத்துவிட்டனர். இச்சம்பவம்
குறித்து, ஜெகதீஸ்வரியின் கணவர் ராம்சந்தர் அளித்த புகாரின் அடிப்படையில்,
இரண்டு மந்திரவாதிகள் மற்றும் ஷா தேவ் உள்ளிட்ட மூன்று பேர் மீது வழக்கு
பதிவு செய்யப்பட்டுள்ளது.

மந்திரவாதிகள் இருவரையும் நேற்று முன்தினம் போலீசார் கைது செய்தனர். தலைமறைவான ஷா தேவை தேடி வருகின்றன