தஞ்சையில் ஆக. 8-ல் இரண்டாம் நிலை காவலர் எழுத்துத் தேர்வு

நவீன் · நவீன் Fri Aug 06, 2010 2:44 pm

தஞ்சாவூர்,

தமிழ்நாடு சீருடைப் பணியாளர் தேர்வாணைய குழுமம் சார்பில் தஞ்சாவூர்
மாவட்டத்தைச் சேர்ந்த விண்ணப்பதாரர்களுக்கு ஆகஸ்ட் 8-ம் தேதி காலை 10
மணிக்கு இரண்டாம் நிலை காவலர் தேர்வுக்கான எழுத்துத் தேர்வு நடைபெறுகிறது.
தஞ்சாவூர் பாரத் அறிவியல் மற்றும் மேலாண்மை கல்லூரியில், பதிவு எண்
2100001 முதல் 2101901 வரையிலான ஆண் தேர்வர்களுக்கும், மேரீஸ் கார்னர்
புனித அந்தோனியார் மேல்நிலைப் பள்ளியில், பதிவு எண் 2101902 முதல் 2103184
வரையிலான ஆண் தேர்வர்களுக்கும் தேர்வு நடைபெறுகிறது. குந்தவை
நாச்சியார் அரசு பெண்கள் கலைக் கல்லூரியில் பதிவு எண் 2103188 முதல்
2103376 வரையிலான ஆண் தேர்வர்களுக்கும், பதிவு எண் 7100001 முதல் 7100732
வரையிலான பெண் தேர்வர்களுக்கும் தேர்வுகள் நடைபெறுகிறது. இந்தத்
தேர்வுக்கு விண்ணப்பித்துள்ள விண்ணப்பதாரர்கள் ஆகஸ்ட் 8-ம் தேதி காலை 9
மணிக்கு முன்னதாக தேர்வு மையங்களுக்கு வர வேண்டும். தமிழ்நாடு சீருடைப்
பணியாளர் தேர்வாணையத்திற்குரிய இணையதளத்தில் தகுதியுடைய மற்றும் தகுதியற்ற
விண்ணப்பதாரர்களின் விவரப் பட்டியல் வெளியிடப்பட்டுள்ளது.
அழைப்புக் கடிதம் கிடைக்கப்பெறாத விண்ணப்பதாரர்கள் இந்த இணையதளத்தில்
இருந்து நகல் எடுத்துக்கொள்ளலாம். அதன் நகல் மற்றும் விண்ணப்பதாரரின்
புகைப்படத்தில் பதிவு பெற்ற அலுவலக அதிகாரியின் ஒப்புதல் பெற்று மாவட்ட
காவல் அலுவலகத்திற்கு வெள்ளிக்கிழமை வரவேண்டும். தேர்வுக்கு
வருபவர்கள் செல்போன் எடுத்து வரக் கூடாது. பாரத் கல்லூரியில் தேர்வு
எழுதும் தேர்வாளர்கள் மட்டும் எழுத்துத் தேர்வுக்கு வரும்போதுதேர்வெழுதுவதற்கான அட்டை கண்டிப்பாக கொண்டு வரவேண்டும்.

தஞ்சையில் ஆக. 8-ல் இரண்டாம் நிலை காவலர் எழுத்துத் தேர்வு

தஞ்சையில் ஆக. 8-ல் இரண்டாம் நிலை காவலர் எழுத்துத் தேர்வு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக