கல்லூரி ஆசிரியர்கள், அலுவலர்கள் ஆர்ப்பாட்டம்

நவீன் · நவீன் Fri Aug 06, 2010 2:41 pm

திருச்சி

ஆறாவது ஊதியக் குழு, பல்கலைக்கழக நிதி நல்கைக் குழு நிலுவைத் தொகையை
வழங்கக் கோரி, திருச்சியில் தமிழ்நாடு கல்லூரி ஆசிரியர் - அலுவலர் கூட்டு
நடவடிக்கைக் குழுவினர் வியாழக்கிழமை ஆர்ப்பாட்டம் நடத்தினர்.
ஆர்ப்பாட்டத்தை பல்கலைக்கழக ஆசிரியர் சங்கத்தின் மாநிலத் தலைவர் பி.
ஜயகாந்தி தொடக்கிவைத்தார். இதில், பல்கலைக்கழக, கல்லூரி ஆசிரியர்களின்
ஓய்வு பெறும் வயதை பல்கலைக்கழக நிதி நல்கைக் குழுப் பரிந்துரைப்படி 65-ஆக
உயர்த்த வேண்டும். மத்திய அரசு ஊழியர்களுக்கு இணையான வீட்டு
வாடகை, இதரப் படிகள் வழங்கப்பட வேண்டும். 6-வது ஊதியக் குழு, பல்கலைக்கழக
நிதி நல்கைக் குழு நிலுவைத் தொகையை 2006 ஆம் ஆண்டு முதல் வழங்க வேண்டும்.
1.4.2003 முதல் தமிழகத்தில் ஆசிரியர்கள், அரசு ஊழியர்களுக்குப் பாதகமான
முறையில் நடைமுறையில் உள்ள புதிய ஓய்வூதியத் திட்டத்தைக் கைவிட வேண்டும்.
ஏற்கெனவே அமலில் இருந்த ஓய்வூதியத் திட்டத்தை அமல்படுத்த வேண்டும்.
பணிக் கொடை வரம்பை 40 சதமாக உயர்த்தி அளிக்க வேண்டும். முழுமையான
ஓய்வூதியம் பெறும் கால வரம்பை 30 ஆண்டுகளிலிருந்து 20 ஆண்டுகளாகக் குறைக்க
வேண்டும். ஊதியக் குழு முரண்பாடுகளைக் களைய அரசு உதவி பெறும்
தனியார் கல்லூரியை ஒரே அலகாக உருவாக்க வேண்டும். ஆசிரியர் - அலுவலர்கள்
காலிப் பணியிடங்களை உடனடியாக நிரப்ப வேண்டும் என்பன உள்ளிட்ட கோரிக்கைகள்
வலியுறுத்தப்பட்டன. தமிழ்நாடு அரசுக் கல்லூரி ஆசிரியர் கழகத்தின் மாநிலத்
துணைத் தலைவர் அறிவுடைநம்பி, கூட்டு நடவடிக்கைக் குழுவின் திருச்சி, தஞ்சை
மண்டல அமைப்பாளர் க. பாண்டியன் உள்பட பாரதிதாசன் பல்கலைக்கழக எல்லைக்கு
உள்பட்ட அரசு, அரசு உதவி பெறும் கல்லூரிகளைச் சேர்ந்த ஏராளமானோர் கலந்து
கொண்டனர்.

கல்லூரி ஆசிரியர்கள், அலுவலர்கள் ஆர்ப்பாட்டம்

கல்லூரி ஆசிரியர்கள், அலுவலர்கள் ஆர்ப்பாட்டம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக