வேளாங்கண்ணி திருவிழாவிற்கு சிறப்புப் பேருந்துகள் இயக்கம்

தஞ்சாவூர்,
வேளாங்கண்ணி பேராலய ஆண்டுத் திருவிழாவை முன்னிட்டு, ஆகஸ்ட் 27-ம் தேதி
முதல் செப்டம்பர் 12-ம் தேதி வரை சிறப்பு பேருந்துகள் இயக்கப்படுகின்றன
என்று தமிழ்நாடு அரசுப் போக்குவரத்துக் கழக கும்பகோணம் கோட்ட பொது மேலாளர்
சந்திரசேகரன் தெரிவித்தார். இதுகுறித்து அவர் வியாழக்கிழமை வெளியிட்ட செய்திக் குறிப்பு:
திண்டுக்கல், மணப்பாறை, திருச்சி, தஞ்சாவூர், பூண்டிமாதா கோயில், ஓரியூர்,
பட்டுக்கோட்டை, சிதம்பரம், புதுச்சேரி, காரைக்கால், நாகூர், நாகப்பட்டினம்
போன்ற முக்கிய ஊர்களில் இருந்து இரவு, பகல் என எந்த நேரமும் சிறப்பு
விழாக்கால பேருந்துகள் இயக்கப்படும்.இரண்டாவது நாளாகவேதாரண்யம் கடலோரத்தில் கண்காணிப்பு ஒத்திகைவேதாரண்யம்,
ஆக 5: நாகை மாவட்டம், வேதாரண்யம் கடலோரப் பகுதி கிராமங்களில் தீவிரவாதத்
தடுப்பு உள்ளிட்டவை தொடர்பான சிறப்புக் கண்காணிப்பு ஒத்திகையில்
இரண்டாவது நாளாக வியாழக்கிழமையும் போலீஸôர் ஈடுபட்டனர்.
உள்ளுர் காவல், கடலோரக் காவல் படை, கப்பல் படை உள்ளிட்ட பாதுகாப்பு
வட்டாரங்கள் இணைந்து, தமிழகம், புதுவை கடலோரப் பகுதியில் ஆபரேஷன் ஹம்லா
என்ற பெயரில் சிறப்பு கண்காணிப்பை புதன்கிழமை தொடங்கின. இது 2-வது நாளாக
வியாழக்கிழமையும் தொடர்ந்தது. கடல் வழி ஊடுருவலைத் தடுக்கவே
இந்த ஒத்திகை நடத்தப்பட்டதாக காவல் துறை வட்டாரங்கள் தெரிவிக்கின்றன. நாகை
மாவட்டத்தில் கொள்ளிடம் முதல் கோடியக்கரை வரையில் மாவட்டக் காவல்
கண்காணிப்பாளர் தலைமையில் இந்த கண்காணிப்பு நடந்ததாம்.
அப்போது, 16 காவல் சோதனை சாவடிகளில் காவலர்கள் சோதனை நடத்தினர். இந்தப்
பணியை தஞ்சை சரக டி.ஐ.ஜி திருஞானம் கோடியக்கரையில் புதன்கிழமை இரவு ஆய்வு
செய்தார். வேதாரண்யம் பகுதியில் வியாழக்கிழமையும் தொடர்ந்த கண்காணிப்பில்
மாலைவரை தீவிரவாதி பாணியில் எவரும் பிடிபடவில்லை.