எழும்பூர் ரயில் நிலையத்தில் வி.அய்.பி.,களுக்கு புதிய வழி

சென்னை
சென்னை எழும்பூர் ரயில் நிலையத்தில் பாதுகாப்பு கருதி
வி.அய்.பி.,களுக்கு புதிய வழி அமைக்கப் படுகிறது. சென்னை எழும்பூர் ரயில்
நிலையத்தில் காந்தி இர்வின் சாலைப் பகுதியில் உள்ள மூன்று வாயில்கள்
வழியாக பயணிகள் ரயில் நிலையத்திற்கு சென்று வருகின்றனர்.
இந்நிலையத்திற்கு
வரும் வி.அய்.பி.,கள், நிலையத்தின் தெற்கே உள்ள, பார்சல் புக்கிங் அலுவலக
வாயில் வழியாக உள்ளே வந்து, முதல் நடைமேடை யின் முன்பு உள்ள மூன்றாவது
புதிய நுழை வாயில் வழியாக ரயிலுக்கு அழைத்துச் செல்லப்படுவது வழக்கமாக
உள்ளது. இந்த வழிக்கு அருகில் புறநகர் ரயில்களுக்கு செல்லும் பயணிகளுக்கான
ரயில்வே மேம்பாலம், தனியார் ஓட்டல் மற்றும் தனியார் வங்கியின் ஏ.டி.எம்.,
மய்யங்களும் இருப்பதால், பயணிகள் நடமாட்டம் அதிகமாக உள்ளது.
இதனால், இப்பகுதியில் வி.அய்.பி.,களுக்கு முழு பாதுகாப்பு அளிக்க நிறைய
காவல் துறையினர் பணிபுரிய வேண்டிய நிலை உள்ளது. எனவே, பாதுகாப்பான வழியில்
நிலையத்திற்கு வி.அய்.பி.,கள் வந்து செல்லும் வகையில் புதிய வழி
அமைக்கப்படுகிறது. நிலைய மேலாளர் அறைக்கு அருகில் உள்ள நுழைவாயில் வழியாக,
வி.அய்.பி.,கள் வந்து செல்வது பாதுகாப்பானது என முடிவு செய்யப் பட்டு,
இவ்வாயிலுக்கு முன் உள்ள மதிற்சுவர் அகற்றப்பட்டு, புதிய வழி
அமைக்கப்படுகிறது.
முன்பு இப்பகுதி, பயணிகள்
வாகனங்கள் நிறுத்தும் இடமாக இருந்தது. இந்த வாகன நிறுத்தம் தெற்கே 100
மீட்டர் தூரம் இடைவெளிவிட்டு மாற்றப்பட்டுள்ளது. மற்ற வாகனங்கள்
வி.அய்.பி., வழியில் குறுக்கிடக் கூடாது என்பதற்காக, வாடகை வாகன நிறுத்தத்
தின் வடக்கே குறுக்காக தடுப்பு சுவர் அமைக்கப்படுகிறது. இப்பணிகள்
முடிந்ததும் வி.அய்.பி., வழி விரைவில் திறக்கப்படும் என, ரயில்வே அதிகாரி
ஒருவர் தெரிவித்தார்.

முதலிலில் மகளுக்கு நல்ல வழிய காட்டுங்கப்பா இப்பதான் vip கு போய்டிங்க.....................