துளித்துளியாய் - பொன் முருகேசன்

by **Admin** Mon Oct 13, 2008 12:48 am

First topic message reminder :

குமுறல்

தண்ணீர் கேட்டால்
கண்ணீர் வடிக்கிறது.. .
குழாய் *

உழைத்தும்
வாசலில் செருப்பாய்.. .
கூலியாட்கள் *

மனைவிக்கு
முதல் மரியாதை.. .
கட்டிலில் மட்டும் *

by **Admin** Mon Oct 13, 2008 12:53 am

சொந்த வீடு
ஹோட்டல் அறையில் மரணம்.. .
கடன் *

காற்றும் கருக்கலைப்பு
செய்தது..
உதிர்ந்த மொட்டு *

எதிர்பாராத
வெற்றிதான்.. .
தோல்வியும் *

by **Admin** Mon Oct 13, 2008 12:54 am

நிலா

ஒன்றாய் பயணம்
நான் மட்டும் இறங்கினேன்.. .
அப்படியே நிலா *

சாப்பிட மறுத்தது
குழந்தை.. .
விடுமுறையில் நிலா *

காய்ச்ச
முடியவில்லை.. .
பால் நிலா *

by **Admin** Mon Oct 13, 2008 12:55 am

குளத்தில் நிலா
கல்லெறிய மனமின்றி.. .
காதலிக்கட்டும் *

உலகத்திற்கு காவலோ
உறங்காமல் விடிய விடிய .. .
விழித்தபடி நிலா *

மதுவில் மூழ்கியும்
மயங்கவில்லை.. .
கோப்பையில் நிலா *

by **Admin** Mon Oct 13, 2008 12:55 am

வானத்தோடு
கோபமோ.. .
தேய்பிறை நிலவு *

வீட்டு வாசலில்
வெண்ணிலா. ..
தண்ணீர் தொட்டி *

யார் காப்பாற்றுவது ?
தூரத்தில் வாகனம்.. .
பள்ளத்து நீரில் நிலா *

by **Admin** Mon Oct 13, 2008 12:58 am

முரண்பாடு

விதவை விற்ற
பூக்கள்.. .
சுபமுகூர்த்தத்தில் *

யாரிடம் புகார் செய்வது.. .?
மாராப்பு விலக்கும்
காற்று *

புன்னகையோடு
புகைப்படத்தில்.. .
சிடுமூஞ்சிக்காரன் *

by **Admin** Mon Oct 13, 2008 12:58 am

தினமும் குளியல்.. .
அகல வில்லை
மனதில் அழுக்கு *

அணைக்க
மறந்த புதுமண தம்பதி.. .
விடியவிடிய வெளிச்சம் *

துடைக்க முயன்றும்
தோல்வி.. .
கண்ணாடிக்குள் அழுக்கு *

by **Admin** Mon Oct 13, 2008 12:59 am

நிழலைத் தேடி
அலைந்தான். ..
மரம் வெட்டியவன் *

சாலையை நனைக்கும் குடிநீர்
வண்டியில் வாசகம். ..
குடிநீரை சேமியுங்கள் *

மழையில் நனைந்து கொண்டே
சத்தம் போட்டான்.. .
குடைரிப்பேர் *

by **Admin** Mon Oct 13, 2008 12:59 am

மகனின் பெருமை
பேசினாள்.. .
அனாதை விடுதியில் அம்மா *

கோர்க்க முடியவில்லை
பலமறை முயன்றும்.. .
வியர்வை முத்துக்கள் *

அவளுக்கும் அவனுக்கும்
பொருத்தம் பார்த்தனர்.. .
வெவ்வெறு ஜாதகத்தில் *

by **Admin** Mon Oct 13, 2008 12:59 am

அம்மா.. . தாயே.. .
பிச்சைக்காரன் கூப்பிட்டான்
மலடியை *

நற்பணி மன்ற சுவரொட்டியில்
துப்பாக்கியோடு.. .
நடிகன் *

ஆயிரம் பேர்களுக்கு
அன்னதானம் செய்தாள்.. .
முதியோர்விடுதியில் அம்மா *