வாழ்த்தும் பயனும்

balakarthik · balakarthik Thu Aug 05, 2010 4:55 pm

First topic message reminder :

பிறர் நலமாக வாழ வேண்டும் என்ற நினைவோடு எழும் ஓர் ஒலியே வாழ்த்து என்ற வார்த்தையாகும். வாழ்த்து என்றாலே அதை நினைக்கும்போதும், அதை சொல்லும்போதும் மனத்திலே ஓர் அமைதியான இயக்கம் ஏற்படும்.

"வாழ்க வளமுடன்" என்று மற்றவரைப் பார்த்து சொல்லும்போது எல்லாப் செல்வங்களையும் உங்களுடைய வாழ்க்கையில் பெற்று சிறப்பாக வாழ வேண்டும் என்று கருத்தை உள்ளடக்கியதாக அமைகிறது என்று வேதாத்திரியம் கூறுகிறது.
வாழ்க என்ற வார்த்தையில் உள்ள 'ழ்' என்ற சிறப்பான எழுத்தை உச்சரிக்கும்போது நமது நாக்கு மடிந்து மேலண்ணத்தில் நன்கு தொட்டு அழுத்துகிறது. இந்த அழுத்தம் உள்ளே இருக்கும் பிட்யூட்டரி சுரப்பியையும், பீனியல் சுரப்பியையும் நன்கு இயக்குவதற்குத் தூண்டுகிறது. உடலியக்கத்திற்குத் தலைமைச் சுரப்பி பிட்யூட்டரி சுரப்பி. மன இயக்கத்திற்கு தலைமைச் சுரப்பி (Master Gland) பீனியல் சுரப்பி. இவ்விரு சுரப்பிகளுகம் இயக்கம் பெறுவதால் நமது உடல்நலமும், மன நலமும் சிறப்படைகின்றன.
பீனியல் சுரப்பியை 'மனோன்மனி' என்றும் அழைக்கின்றனர். மனத்திற்குரிய ஒரு நல்ல ஆற்றல் உள்ள கருவி என்பதற்காக மன+உள்+மணி என்ற 3 வார்த்தைகளைச் சேர்த்து மனோன்மனி என்று சொல்லப்படுகிறது. மனத்திற்கு உட்பொருளாக உள்ள இரத்தினம் என்பது பொருள். அதனால் நாம் வாழ்த்தும்போது மனோன்மனியோடு தொடர்பு கொண்டு எண்ணற்ற பலன்களை பெறுகிறோம்.

வாழ்க வளமுடன் என்ற மந்திரத்திற்கு வலு அதிகம். தவம் செய்த முடிக்கின்ற போது சொல்லும்போது வாழ்த்துக்கு இன்னும் வலிமை கூடுகிறது. உதாரணமாக ஒரு வில்லில் அம்பு எய்வதற்கு எவ்வளவு தூரம் நாணை இழுக்கிறோமோ, அந்த அளவுக்கு அம்புக்கு வேகம் கூடும். அதுபோன்று மனம் எவ்வளவு அமைதி நிலையிலிருந்து வாழ்த்துகிறதோ அந்த வேகத்தில் அந்த வாழ்த்து செயலுக்கு வரும்.

வாழ்த்து அலை

வாழ்த்து என்பது அலை. இந்தச் சீவகாந்த அலைக்கு 5 வகையான இயக்கங்கள் உள்ளன.
1 மோதுதல் (Clash)
2 பிரதிபலித்தல் (Reflection)
3 சிதறுதல் (Refraction)
4 ஊடுருவதல் (Penetration)
5 இரண்டிற்கும் இடையே ஓடிக் கொண்டிருத்தல் (Interaction)

ஒருவர் மற்றவரை வாழ்த்தும்போது அந்த வாழ்த்து இருவருக்கிடையே ஓடிக் கொண்டே இருக்கும். இவ்விருவருக்கும் இடையே ஓர் உயிரோட்டம் உண்டாகி விடுகிறது. அது ஆயுள் முழுவதும் இருக்கும். நீங்கள் அன்போடு நல்ல எண்ணத்தோடு பாய்ச்சி விட்டால் போதும். அவர் உங்களை பார்த்தாலும், பார்க்காவிட்டாலும் அவரது உயிரிலிருந்து நன்மையான அலை வீசிக் கொண்டே இருக்கும்.

வாழ்த்தின் நன்மை

1 "வாழ்க வளமுடன்" என்று சொல்லும்போது பிறர் உள்ளத்திலே நமது கருத்தும் உயிராற்றலும் ஊடுருவி இரண்டு பேருக்குமிடையே ஓர் இனிய நட்பை வளர்க்கிறது.

2 இந்த வாழ்த்துப் பயிற்சியினால் சினம் அடிக்கடி வருவதைத் தவிர்க்கலாம்.

3 அப்படி வாழ்த்தி, வாழ்த்தி எப்பேர்பட்டவர்களையும் நண்பர்களாக மாற்றி பகைமையைத் தவிர்க்கலாம். அவர்களுடைய செயல்களைத் திருத்திவிட முடியும்.

4 ஒரு செடியைப் பார்த்துக் கூட "வாழ்க வளமுடன்" என்று சொன்னால், அந்தச் செடியில் இருக்கக் கூடிய பலவீனம் நீங்கி அது நல்லதாக மாறும்.

நன்றி :- இந்திய கலாசார புரட்சி அமைப்பு

balakarthik · balakarthik Thu Aug 05, 2010 5:55 pm

மஞ்சுபாஷிணி wrote:எல்லோருமே படித்து சிறப்பாய் வாழ்த்தும் நல்ல மனதுடன் தொடரும் நல்லதொரு அருமையான பகிர்வு பாலா....

அன்பு நன்றிகள் பகிர்ந்தமைக்கு...

ரொம்ப நன்றி அக்கா

balakarthik · balakarthik Thu Aug 05, 2010 5:56 pm

ஹாசிம் wrote:நண்பன் மாறிவிட்டான் மாற்றியது யாரு தொடரும் நண்பா

மாறல நண்பா மாறல மீண்டும் வருவேன் இம்சை தொடர்வேன் , நன்றி நண்பா

balakarthik · balakarthik Thu Aug 05, 2010 5:57 pm

Ganesh1 wrote:வாழ்க வளமுடன்.

வாழ்த்தியமைக்கு நன்றி

balakarthik · balakarthik Thu Aug 05, 2010 5:58 pm

நவீன் wrote:இந்த அழுத்தம் உள்ளே இருக்கும் பிட்யூட்டரி சுரப்பியையும், பீனியல்
சுரப்பியையும் நன்கு இயக்குவதற்குத் தூண்டுகிறது. உடலியக்கத்திற்குத்
தலைமைச் சுரப்பி பிட்யூட்டரி சுரப்பி. மன இயக்கத்திற்கு தலைமைச் சுரப்பி
(Master Gland) பீனியல் சுரப்பி. இவ்விரு சுரப்பிகளுகம் இயக்கம் பெறுவதால்
நமது உடல்நலமும், மன நலமும் சிறப்படைகின்றன

நன்றி நண்பா மகிழ்ச்சி

balakarthik · balakarthik Thu Aug 05, 2010 5:59 pm

megastar wrote:சித்தன் போக்கு சிவன் போக்குன்னு போட்டப்பவே நினைச்சேன், இங்கதான் போய் முடியும்னு, இப்ப பாரு, //ஒரு செடியைப் பார்த்துக் கூட "வாழ்க வளமுடன்" என்று சொன்னால், அந்தச் செடியில் இருக்கக் கூடிய பலவீனம் நீங்கி அது நல்லதாக மாறும்// செடிகூட எல்லாம் பேச வேண்டியிருக்கு.

அதுவாவுது எதுத்துபெசாதே அதான் , மிக்க நன்றி

**அருண்** · **அருண்** Thu Aug 05, 2010 6:02 pm

பாலாவிடம் இருந்து இப்படி ஒரு கட்டுரைய எதிர் பாக்கவில்லை பகிர்தமைக்கு நன்றி பாலா........
நான் ஜெயிலுக்கு போறேன் நான் ஜெயிலுக்கு போறேன் பார்த்துக்கோ நானும் ரவடி தான்............ வாழ்த்தும் பயனும் - Page 2 755837

megastar · megastar Thu Aug 05, 2010 6:04 pm

பாலாவின் கூற்றை அவர் நன்றி கூறுதல் மூலம் எல்லோரையும் வாழ்த்தி வீட்டார். எல்லோராலும் வாழ்த்து கூற முடியவில்லை என்றாலும் நன்றி கூறுதல் அனைவரையும் வாழ்த்துதலுக்கு சமம்.

gunashan · gunashan Thu Aug 05, 2010 6:05 pm

பாலா நீர், உலகத்திலுள்ள அத்தனை சுகங்களையும் பெற்று, நோய் நொடியின்றி ஆயிரமாயிரம் ஆண்டு காலம் வாழ மனப்பூர்வமாக வேண்டுகிறேன்..... அன்பு மலர்

balakarthik · balakarthik Thu Aug 05, 2010 6:05 pm

megastar wrote:பாலாவின் கூற்றை அவர் நன்றி கூறுதல் மூலம் எல்லோரையும் வாழ்த்தி வீட்டார். எல்லோராலும் வாழ்த்து கூற முடியவில்லை என்றாலும் நன்றி கூறுதல் அனைவரையும் வாழ்த்துதலுக்கு சமம்.

என்ன என்ன்கூட இமயமலைக்கு வர தயாராகராமாதிரி தெரியுது சிரி

balakarthik · balakarthik Thu Aug 05, 2010 6:06 pm

arun_vzp wrote:பாலாவிடம் இருந்து இப்படி ஒரு கட்டுரைய எதிர் பாக்கவில்லை பகிர்தமைக்கு நன்றி பாலா........
நான் ஜெயிலுக்கு போறேன் நான் ஜெயிலுக்கு போறேன் பார்த்துக்கோ நானும் ரவடி தான்............

நன்றி அருண் , நாளைக்கு ஜெயிலுல சிக்கனா ஜமாய் மகிழ்ச்சி

Sponsored content · Sponsored content

வாழ்த்தும் பயனும்

வாழ்த்தும் பயனும்

Re: வாழ்த்தும் பயனும்

Re: வாழ்த்தும் பயனும்

Re: வாழ்த்தும் பயனும்

Re: வாழ்த்தும் பயனும்

Re: வாழ்த்தும் பயனும்

Re: வாழ்த்தும் பயனும்

Re: வாழ்த்தும் பயனும்

Re: வாழ்த்தும் பயனும்

Re: வாழ்த்தும் பயனும்

Re: வாழ்த்தும் பயனும்

Re: வாழ்த்தும் பயனும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக