காஷ்மீரில் வன்முறையை ஒடுக்க தீவிர நடவடிக்கை: அனைத்துக்கட்சி அவசர கூட்டம் மன்மோகன்சிங் முடிவு

நவீன் · நவீன் Thu 5 Aug 2010 - 17:28

காஷ்மீரில் பிரிவினை இயக்க ஆதரவாளர்கள், பாதுகாப்பு படையினருக்கு எதிராக வன்முறையில் ஈடுபட்டு வருகிறார்கள்.

பொதுமக்கள்,
குறிப்பாக பெண்கள் மற்றும் இளைஞர்கள் தெருவில் இறங்கி ஆர்ப்பாட்டத்தில்
ஈடுபடுவதுடன் போலீசாரை கல்வீசி தாக்கி வருகிறார்கள். அவர்களை கலைப்பதற்கு
போலீசார் தடியடி, கண்ணீர்புகை குண்டுகளை வெடித்தும் பயன் இல்லாததால்,
துப்பாக்கிச்சூடு நடத்தி வன்முறையை கட்டுக்குள் கொண்டு வர நடவடிக்கை
எடுத்து வருகிறார்கள்.

கடந்த
வெள்ளிக்கிழமை முதல் தீவிரம் அடைந்து வரும் இந்த வன்முறை உச்ச கட்டத்தை
எட்டியுள்ளது. கலவரம், துப்பாக்கிச்சூட்டில் இதுவரை 28 பேர் பலியாகி
உள்ளனர். பலர் படுகாயம் அடைந்துள்ளனர். போராட்டம் காரணமாக, காஷ்மீர்
பள்ளத்தாக்கு பகுதியில் உள்ள 10 மாவட்டங்களிலும் ஊரடங்கு உத்தரவு
அமல்படுத்தப்பட்டு இருப்பதுடன், கலவரத்தில் ஈடுபட்டால் கண்டதும் சுட
உத்தரவிடப்பட்டு உள்ளது.

பாதுகாப்புக்காக
துணை ராணுவ படையினரும் காஷ்மீருக்கு அனுப்பி வைக்கப்பட்டு உள்ளனர். ஆனால்,
போராட்டக்காரர்கள் அதை பொருட்படுத்தாமல் நேற்றும் தொடர்ந்து கலவரத்தில்
ஈடுபட்டனர். தலைநகர் ஸ்ரீநகரில் நேற்று பல அரசு வாகனங்கள் தீவைத்து
எரிக்கப்பட்டன. தேசிய நெடுஞ்சாலைகளில் போக்குவரத்துக்கு தடை
ஏற்படுத்தப்பட்டது.

காஷ்மீரில்
வசிக்கும் வெளிமாநில மக்களை குறிவைத்தும் நேற்று தாக்குதல் நடந்தது.
ரெயில்வே, வங்கிகள் மற்றும் மத்திய அரசு அலுவலகங்களில் பணிபுரியும்
வெளிமாநிலத்தை சேர்ந்த அரசு ஊழியர்கள் இதனால் வீடுகளுக்குள்
முடங்கிக்கிடக்கிறார்கள். பலர் குடும்பம், குடும்பமாக காஷ்மீரை விட்டு
வெளியேறி வருகிறார்கள்.

காஷ்மீரில்
கடந்த 2 ஆண்டுகளுக்கு முன்பு, பாரமுல்லா-காசிகண்ட் இடையே ரெயில்
போக்குவரத்து தொடங்கி வைக்கப்பட்டது. தற்போது நடைபெற்று வரும் கலவரம்
காரணமாக ஸ்ரீநகர் மற்றும் சோபூர் ரெயில் நிலையம் சூறையாடப்பட்டது. ரெயில்
பாதை மற்றும் சிக்னல் கருவிகள் சேதப்படுத்தப்பட்டன. அதைத் தொடர்ந்து,
முதன் முறையாக காஷ்மீரில் ரெயில் போக்குவரத்து ரத்து செய்யப்பட்டு
இருப்பதாக உயர் அதிகாரி ஒருவர் தெரிவித்தார்.

பட்காம்
ரெயில் நிலையத்திலும் 3 ஆயிரம் பேர் புகுந்து தாக்குதல் நடத்தியதாகவும்,
காஷ்மீரில் நிலைமை சீரடைந்த பிறகுதான் ரெயில் போக்குவரத்து மீண்டும்
தொடங்கும் என்றும் அவர் அறிவித்தார். இதற்கிடையில், கலவரம் நீடிப்பதால்
பெரும்பான்மையான ரெயில்வே ஊழியர்கள் காஷ்மீரில் இருந்து வெளியேறத்
தொடங்கிவிட்டனர்.

காஷ்மீர்
நிலைமை மோசம் அடைந்து வருவதால், பிரச்சினைக்கு சுமூக தீர்வு காண்பதற்காக
பாதுகாப்பு தொடர்பான மத்திய மந்திரிசபை குழு கூட்டத்தை கூட்டி பிரதமர்
மன்மோகன்சிங் சமீபத்தில் ஆலோசனை நடத்தினார்.

காஷ்மீர்
முதல்-மந்திரி உமர் அப்துல்லா இந்த வார தொடக்கத்தில் டெல்லி வந்து பிரதமர்
மன்மோகன்சிங், உள்துறை மந்திரி ப.சிதம்பரம் ஆகியோரை சந்தித்து ஆலோசனை
நடத்தினார். காஷ்மீர் மாநிலத்தை சேர்ந்த அரசியல் கட்சி தலைவர்கள்
குழுவினரும் நேற்று முன்தினம் பிரதமரை சந்தித்து பேசினார்கள்.

காஷ்மீரில்
கலவரம் நீடிப்பதால், வன்முறையை ஒடுக்கி பிரச்சினைக்கு சமூக தீர்வு
காண்பதற்கான அனைத்து வழிமுறைகள் பற்றியும் மத்திய அரசு ஆராய்ந்து வருகிறது.

இதில்
அரசியல் கட்சிகளின் கருத்துக்களை அறிந்து கொள்வது அவசியம் என்பதால்
அனைத்துக்கட்சி தலைவர்களின் கூட்டத்தை கூட்ட பிரதமர் மன்மோகன்சிங் முடிவு
செய்து இருப்பதாக உயர் அதிகாரி ஒருவர் தெரிவித்தார்.

இந்த
நிலையில் பாராளுமன்றத்திலும் காஷ்மீர் பிரச்சினை நேற்று எதிரொலித்தது.
பாராளுமன்றத்தின் இரு சபைகளிலும் உள்துறை மந்திரி ப.சிதம்பரம் காஷ்மீர்
நிலைமை குறித்து அறிக்கை தாக்கல் செய்து பேசினார்.
அர்த்தமற்ற
வன்முறைகளால் எந்த வித தீர்வும் ஏற்படாது என்று குறிப்பிட்ட அவர்,
காஷ்மீரில் சகஜ நிலை திரும்பியதும், மக்கள் குறைகளை களைவதற்கான
பேச்சுவார்த்தை மீண்டும் தொடங்கப்படும் என்று உறுதி அளித்தார்.

kalaimoon70 · kalaimoon70 Thu 5 Aug 2010 - 17:55

காஷ்மீரில் சகஜ நிலை திரும்பியதும், மக்கள் குறைகளை களைவதற்கான
பேச்சுவார்த்தை மீண்டும் தொடங்கப்படும் என்று உறுதி அளித்தார்.

இது வெறும் பேச்சோடு போகுது ......

காஷ்மீரில் வன்முறையை ஒடுக்க தீவிர நடவடிக்கை: அனைத்துக்கட்சி அவசர கூட்டம் மன்மோகன்சிங் முடிவு

காஷ்மீரில் வன்முறையை ஒடுக்க தீவிர நடவடிக்கை: அனைத்துக்கட்சி அவசர கூட்டம் மன்மோகன்சிங் முடிவு

Re: காஷ்மீரில் வன்முறையை ஒடுக்க தீவிர நடவடிக்கை: அனைத்துக்கட்சி அவசர கூட்டம் மன்மோகன்சிங் முடிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக