யூத மத பெண்கள் 'ஹிஜாப்' அணிய யூத மதகுருக்கள் பத்வா.

ஹிஜாப்'
அணிய 'பிரான்ஸ்' விதித்த தடை உலகம் முழுவதும் பல்வேறு விமர்சனங்களுக்கு
ஆளாகியுள்ளது. இது மத உணர்வை காயப்பட்டுத்துவதாகவும், பிரான்சில் இஸ்லாம்
மதம் பின்பற்றுபவர்கள் அதிகரிப்பதை தடுக்க அரசு இவ்வாறு தடை விதிக்கிறது
என்ற கருத்து முஸ்லிம்களிடம் ஏற்பட்டுள்ள நிலையில்...
இஸ்ரேலை சேர்ந்த யூத குருமார்கள் தற்போது கட்டாயம் 'ஹிஜாப்' அணிய வேண்டும்
என்று தங்கள் மத யூத மத பெண்களுக்கு அறிவுரை வழங்கியுள்ளனர். முஸ்லிம்
பெண்கள் அணியும் அதே வகை 'ஹிஜாப்'களை இவர்களும் அறிவுறுத்தியுள்ளனர்
என்பது குறிப்பிடத்தக்கது.


'டெய்லி
மாரிவ்' (Daily Mariv) என்ற யூத பத்திரிக்கை வெளியிட்ட செய்தியில் யூத
குருமார்கள் தங்கள் மத பெண்களை 'ஹிஜாப்' அணிய அறிவுறுத்தி வருவதாகவும்,
இதன் ஒரு பகுதியாக நகரம் முழுவதும் சுவரொட்டி கொண்டு விளம்பரம் செய்து
வருவதாகவும் தெரிவித்துள்ளது. அதில் பெண்கள் தலை முதல் பாதம் வரை
முழுவதும் மறைத்து உடைத்தவும், தலைமுடி மறைத்துக்கொள்ளவும், ஒளி
ஊடுருவுகிற (Transparent) ஆடைகள் உடுத்தவும், இறுக்கமாக உடல் அங்கங்கள்
தெரியும் உடை உடுத்தவும் கட்டுபாடுகள் விதித்தும், கறுப்பு நிற மேலங்கி
உபயோகப்படுத்த வலியுறுத்தியும் விளம்பரம் செய்துள்ளனர். இவை பெண்களை
பாவங்களில் இருந்து விடுபட செய்யும் செயல்கள் எனவும், மீறுவது யூத மத
வேதம் டோராவிற்கு எதிரானதும் என்றும் அவர்கள் விளம்பரம் செய்துள்ளனர்.


இந்த
மதகுருமார்கள் குட்டை பாவடை, நீச்சல் உடை, மற்றும் வண்ணமயமான அலங்கார
உடைகளையும் பெண்கள் உடுத்துவதற்கு கட்டுபாட்டு ஆணைகள் இட்டு வருகின்றனர்.
டோரா வேத குருமார்கள் மிகவும் மத சம்பந்தப்பட்ட நடவடிக்கையில்
கண்டிப்பானவர்கள். மற்றொரு பிரிவான ஹரேடிம் ஏற்கனவே இவற்றை பின்பற்றி
வருபவர்கள் என்பது குறிப்பிடத்தக்கது.மேலும், பெண்கள் போது இடங்களில்
செல்போன் உபயோகிப்பதற்கும் தடை விதித்துள்ளனர். மீறுபவர்களுக்கு அபராதம்
விதிக்கப்படும் என்றும் அந்த விளம்பரங்கள் தெரிவிப்பதாக அந்த பத்திரிகை
செய்தி வெளியீட்டுயுள்ளது.

இது அங்கு உள்ள மற்ற யூத மத பிரிவுகள் இடையே கருத்து வேற்றுமையை ஏற்படுத்தி உள்ளது என்று அந்த செய்தி குறிப்பு தெரிவித்துள்ளது.