விலை உயர்வை கண்டித்து ஆக., 14ல் ஆர்ப்பாட்டம்

நவீன் · நவீன் Thu Aug 05, 2010 4:55 pm

ராசிபுரம்: "ஆகஸ்ட் 14ம் தேதி விலைவாசி உயர்வு, மின் தட்டுப்பாடு
ஆகியவற்றை கண்டித்து நடக்கும் கண்டன ஆர்ப்பாட்டத்தில் திரளாக பங்கேற்பது'
என, தே.மு.தி.க., ஆலோசனை கூட்டத்தில் தீர்மானம் நிறைவேற்றப்பட்டது.
ராசிபுரம் அடுத்த நாமகிரிப்பேட்டை மற்றும் சீராப்பள்ளி பேரூர்
தே.மு.தி.க., நிர்வாகிகள் மற்றும் சேந்தமங்கலம் சட்டசபை தொகுதி
பொறுப்பாளர் அறிமுக கூட்டம் நாமகிரிப்பேட்டையில் நடந்தது. பேரூர் செயலாளர்
மாதேஸ்வரன் தலைமை வகித்தார். முன்னாள் மாவட்ட நெசவாளர் அணி செயலாளர்
செந்தில் வரவேற்றார். அவை தலைவர் முருகேசன், ஒன்றிய செயலாளர்
சவுந்திரராஜன், துணை செயலாளர்கள் சிவா, செல்வராஜ், செல்வம் ஆகியோர்
முன்னிலை வகித்தனர். மாவட்ட செயலாளர் சம்பத்குமார், சேந்தமங்கலம் சட்டசபை
தொகுதி பொறுப்பாளர் ராஜ்குமார் ஆகியோர் கட்சியின் செயல்பாடு குறித்து
பேசினர். கூட்டத்தில், நாமகிரிப்பேட்டை, சீராப்பள்ளி பேரூரில் அனைத்து
வார்டுகளிலும் தீவிர உறுப்பினர் சேர்ப்பது, ஆகஸ்ட் 25ம் தேதி
நிறுவனத்தலைவர் விஜயகாந்தின் பிறந்த நாளை, வறுமை ஒழிப்பு தினமாக கருதி
ஏழைகளுக்கு இலவச வேட்டி, சேலை, உணவு, ரத்ததானம் வழங்குவது என முடிவு
செய்யப்பட்டது. ஆகஸ்ட் 14ம் தேதி விலைவாசி உயர்வு, மின் தட்டுப்பாடு
ஆகியவற்றை கண்டித்து நடக்கும் ஆர்ப்பாட்டத்தில் திரளாக பங்கேற்பது.
நாமகிரிப்பேட்டை டவுன் பஞ்சாயத்தில் உள்ள வார்டுகளில் 10, 15 நாட்களுக்கு
ஒருமுறை மட்டுமே தண்ணீர் வினியோகம் செய்வதால், மக்கள் மிகுந்த
சிரமத்துக்குள்ளாகின்றனர். அதை சரி செய்ய வேண்டும் என்பது உள்பட பல்வேறு
தீர்மானங்கள் நிறைவேற்றப்பட்டது.

விலை உயர்வை கண்டித்து ஆக., 14ல் ஆர்ப்பாட்டம்

விலை உயர்வை கண்டித்து ஆக., 14ல் ஆர்ப்பாட்டம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக