150 ஆண்டு பழமையான வீட்டை இடித்த போது கிடைத்த ஆங்கிலேயர் காலத்து வெள்ளிக் காசுகள்

நவீன் · நவீன் Thu Aug 05, 2010 3:03 pm

மதுராந்தகம்,

அச்சிறுபாக்கம் அருகே 150 ஆண்டுகள் பழமையான வீட்டின் சுவற்றில்
மூதாதையர்கள் புதைத்து வைத்திருந்த ஆங்கிலேயர் காலத்து வெள்ளிக் காசுகள்
கிடைத்தன. ÷சீதாபுரம் கிராமத்தைச் சேர்ந்தவர்கள் பாஸ்கர்,
வெங்கட்ராமன், வெங்கடேசன், சத்தியமூர்த்தி. இவர்களுக்கு சுமார் 150
ஆண்டுகள் பழமையான ஓட்டு வீடும் அதனைச் சுற்றி நிலமும் சொந்தமாக உள்ளது.
இவர்களது மூதாதையர்கள் வாழ்ந்து வந்த இடமாகும். ÷பாகப்பிரிவினையில்
வெங்கட்ராமனுக்கு சொந்தமான இந்த ஒட்டு வீடுடன் கூடிய நிலத்தை அதே
கிராமத்தைச் சேர்ந்த லோகநாதனுக்கு விற்றுள்ளார். இதையடுத்து நிலத்தை
அளப்பதற்காக திங்கள்கிழமை புல்டோசர் மூலம் வீட்டை இடித்துள்ளனர். ÷அப்போது,
வீட்டின் நடுவில் இருந்த சுவரை இடிக்கும் போது சுவற்றில் புதைத்து
வைத்திருந்த பானை உடைந்து வெள்ளிக் காசுகள் கீழே கொட்டி சிதறின. அருகில்
இருந்த பாஸ்கர் எனது மூதாதையர் புதைத்து வைத்திருந்த வெள்ளிக் காசுகள்
தனக்கு தான் சொந்தம் எனக் கூறி வீட்டுக்கு எடுத்துச் சென்று விட்டார். ÷இது
பற்றி தகவல் பரவியதும் போலீஸôர் மற்றும் வருவாய் துறை அலுவலர்கள்
செவ்வாய்கிழமை இரவு பாஸ்கர் வீட்டிற்கு சென்று அந்த காசுகளை கைப்பற்றினர்.
÷இவை 1835-ம் ஆண்டு முதல் 1940 ஆண்டு வரையில் ஆங்கிலேய அரசால்
வெளியிடப்பட்ட வெள்ளி நாணயங்களாகும். இதில் 131 ஒரு ரூபாய் நாணயங்களும்,
18 அரை ரூபாய் நாணயங்களும், 42 கால் ரூபாய் நாணயங்களும் என மொத்தம் 191
வெள்ளி நாணயங்கள் இருந்தன. ÷மேலும்,அந்த இடத்தில் தங்கமும்
கிடைத்தது என தகவல் பரவியது. வருவாய் கோட்டாட்சியர் எஸ்.அண்ணாதுரை,
வட்டாட்சியர் ஆனந்த சக்கரவர்த்தி ஆகியோர் புதன்கிழமை சீதாபுரம்
கிராமத்துக்கு சென்று விசாரணை நடத்தினர். பின்னர், வதந்தி என தெரிய வந்தது.

150 ஆண்டு பழமையான வீட்டை இடித்த போது கிடைத்த ஆங்கிலேயர் காலத்து வெள்ளிக் காசுகள்

150 ஆண்டு பழமையான வீட்டை இடித்த போது கிடைத்த ஆங்கிலேயர் காலத்து வெள்ளிக் காசுகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக