போலீஸ்காரர் மகன் உள்ளிட்ட இருவர் குண்டர் சட்டத்தில் கைது

by நவீன் Thu Aug 05, 2010 2:37 pm

சேலம் மாவட்டத்தில்
கொள்ளை, வழிப்பறி சம்பவங்களில் ஈடுபட்டதாக போலீஸ்காரர் மகன் உள்ளிட்ட
இரண்டு பேர் குண்டர் சட்டத்தின் கீழ் சிறையில் அடைக்கப்பட்டுள்ளனர்.இது குறித்து போலீஸ் தரப்பில் கூறப்படுவதாவது: சேலம்
அய்யந்திருமாளிகை வீட்டு வசதி வாரிய காலனியைச் சேர்ந்தவர் சுந்தரராஜ்.
போலீஸ்காரரான இவர் கடந்த சில ஆண்டுகளுக்கு முன்பு இறந்துவிட்டார். இவரது
மனைவி காவல் கண்காணிப்பாளர் அலுவலகத்தில் பணியாற்றி வருகிறார். இவர்களது
மகன் பாரதிராஜா (30). இவர் கருமலைக்கூடல் அம்பேத்கர் நகரைச் சேர்ந்த மனோஜ்
(25) என்பவருடன் சேர்ந்து பல்வேறு கொள்ளை, வழிப்பறி, திருட்டுகளில்
ஈடுபட்டுள்ளாராம். இந்த நிலையில் கடந்த சில நாள்களுக்கு முன்பு
கடத்தல் வழக்கில் கைது செய்யப்பட்ட இருவரும் சேலம் மத்திய சிறையில்
அடைக்கப்பட்டுள்ளனர். ஏராளமான வழக்குகளில் தொடர்புடைய இருவரையும் குண்டர்
சட்டத்தின் கீழ் சிறையிலடைக்க மாவட்ட போலீஸ் நிர்வாகம் ஆட்சியருக்கு
பரிந்துரைத்தது.இதையடுத்து ஆட்சியர் உத்தரவின்பேரில் பாரதிராஜா, மனோஜ் இருவரும் குண்டர் சட்டத்தின் கீழ் சிறையில் அடைக்கப்பட்டனர்.

by balakarthik Thu Aug 05, 2010 2:40 pm

அட பாரதிராஜாவும் மனோஜும் நண்பர்களா இது புதுசா இல்லா இருக்கு மகிழ்ச்சி

by உதயசுதா Thu Aug 05, 2010 2:46 pm

வாத்தியார் பிள்ளை மக்கு,போலீஸ்காரன் மகன் திருடன் அப்படிங்கிறது சரியா இருக்கு.
அம்மா காவல் துறை கண்காணிப்பு அலுவலகத்தில் வேலை பார்க்குற தைரியம் வேற என்ன?