Latest topics

ஆலங்குளம் அருகே டாஸ்மாக் கடை முற்றுகை

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

ஆலங்குளம் அருகே டாஸ்மாக் கடை முற்றுகை

Post by நவீன் Thu Aug 05, 2010 3:57 pm

ஆலங்குளம்,

ஆலங்குளம் அருகே டாஸ்மாக் கடையை அகற்ற வலியுறுத்தி பொதுமக்கள் அக் கடையை முற்றுகையிட்டனர். ஆலங்குளம் அருகேயுள்ள அகரத்தில் பஸ்நிறுத்தம் எதிரே டாஸ்மாக் கடை உள்ளது. இக்
கடையை அகற்ற வலியுறுத்தி ஊராட்சித் தலைவர் முத்துலட்சுமி மற்றும்
பொதுமக்கள் இது தொடர்பாக மாவட்ட ஆட்சியர், டாஸ்மாக் மண்டல மேலாளர், தமிழக
முதல்வர் ஆகியோருக்கு பலமுறை கோரிக்கை மனு அளித்து வந்ததாகக்
கூறப்படுகிறது. இந்நிலையில், செவ்வாய்க்கிழமை டாஸ்மாக் கடை அருகே மதுக்கூடம் அமைப்பதற்கான ஏற்பாடுகள் நடைபெற்றதாகத் தெரிகிறது. இதனை புதன்கிழமை அறிந்த பொதுமக்கள், திரளாக வந்து டாஸ்மாக் கடையை முற்றுகையிட்டனர். இதனால் சுமார் 15 நிமிஷங்களுக்கு மேலாக போக்குவரத்து பாதிக்கப்பட்டது. வீ.கே. புதூர் வட்டாட்சியர் மணிபாபு மற்றும் ஆலங்குளம் போலீஸôர் வந்து பேச்சு நடத்தினர்.
மதுக்கூடத்தை உடனே அகற்றவும், டாஸ்மாக் கடையை இம்மாதம் 26-ம் தேதிக்குள்
அகற்றவும் நடவடிக்கை எடுக்கப்படுவதாக அதிகாரிகள் உறுதியளித்ததைத்
தொடர்ந்து பொதுமக்கள் கலைந்து சென்றனர்.

நவீன்: வி.ஐ.பி; பதிவுகள் : 4665
இணைந்தது : 29/05/2009