திருவெறும்பூர் அருகே இரு சக்கர வாகனத்தை பறித்துச் சென்ற 5 பேர் கைது

by நவீன் Thu Aug 05, 2010 2:24 pm

திருச்சி மாவட்டம்,
திருவெறும்பூர் அருகே இரு சக்கர வாகனத்தில் சென்றவரை வழிமறித்து அவர்
சென்ற வாகனத்தை பறித்துச் சென்ற 5 பேரை போலீஸôர் புதன்கிழமை கைது செயதனர்.
திருச்சி உலகநாதபுரம் பகுதியைச் சேர்ந்த அலெக்ஸ் மகன் ஆண்ட்ரோஸ்விஜய்
(22). இவர் திருவெறும்பூர் அருகே உறவினர் வீட்டில் தங்கி இங்குள்ள தனியார்
நிறுவனத்தில் ஒப்பந்ததாரராக பணியாற்றி வருகிறார். இவர்
புதன்கிழமை பெல் கணேசநகர் பகுதியில் இரு சக்கர வாகனத்தில் சென்றாராம்.
அப்போது பெல் காமராஜபுரம் பகுதியைச் சேர்ந்த சண்முகவேல்ராஜ் மகன் மதன்ராஜ்
(22), திருவெறும்பூர் குமரேசபுரம் பகுதியைச் சேர்ந்த தங்கவேல் மகன் சுரேஷ்
(24), பெல் நகரியத்தில் வசிக்கும் ஸ்ரீரங்கம் மகன் பாண்டியராஜன் (24), இதே
பகுதியில் வசிக்கும் சிவலிங்கம் மகன் சிவாஅருண் (23), அரியமங்கலம்
நடுத்தெருவை சேர்ந்த முத்துசாமி மகன் விக்ரம் (23) ஆகியோர் ஆண்ட்ரோஸ்விஜயை
மறித்து கத்தியைக் காட்டி மிரட்டி, அவர் சென்ற இரு சக்கர வாகனத்தை
பறித்துச் சென்றனராம். இதுகுறித்து திருவெறும்பூர் காவல் நிலையத்தில் ஆண்ட்ரோஸ்விஜய் புகார் அளித்தார். அதன்பேரில், வழக்குப் பதிந்த போலீஸôர் வழிபறியில் ஈடுப்பட்ட 5 பேரையும் தேடி வந்தனர்.
இந்நிலையில் புதன்கிழமை இரவு திருவெறும்பூர் அருகேயுள்ள வேங்கூர் கல்லணை
சாலையில் போலீஸôர் ரோந்து பணியில் ஈடுபட்டிருந்தனர். அப்போது, அந்த வழியாக
வந்த மதன்ராஜ், சுரேஷ், பாண்டியராஜன், சிவாஅருண், விக்ரம் ஆகியோரை
ஆண்ட்ரோஸ் விஜயின் இரு சக்கர வாகனத்தைத் திருடியதாக போலீஸôர் கைது
செய்தனர்.