சிறந்த விளையாட்டு வீரர்களுக்கான முதலமைச்சர் விருது: இணையதளத்தில் விண்ணப்பப் படிவம்

திண்டுக்கல்,

சிறந்த விளையாட்டு வீரர்களுக்கான முதலமைச்சர் விருதுக்கான விண்ணப்பப் படிவம் இணையதளத்தில் வெளியிடப்பட்டுள்ளது. இதுகுறித்து,திண்டுக்கல் ஆட்சியர் மா. வள்ளலார் வெளியிட்டுள்ள செய்திக்குறிப்பு: தமிழ்நாடு
அரசு, ஒவ்வொரு ஆண்டும் மாநில அளவில் சிறந்த விளையாட்டு வீரர்களுக்கான
முதலமைச்சர் விருதினை வழங்கி வருகிறது. தமிழ்நாட்டைச் சேர்ந்த தலா இரண்டு
ஆண் மற்றும் பெண் விளையாட்டு வீரர்களுக்கு இந்த விருதுகள் வழங்கப்படும்.
ரூ.1 லட்சம் ரொக்கம், நினைவுப் பரிசு ஆகியவை வழங்கப்படும். 2010-11 ஆம் ஆண்டிற்கான விருதினைப் பெற விண்ணப்பிக்க விரும்பும் விளையாட்டு வீரர்கள், தமிழ்நாட்டைச் சேர்ந்தவராக இருக்க வேண்டும். 1.4.2007 முதல் 31.3.2010 வரையிலான காலம் வீரர்களின் சாதனைக்காலமாக கணக்கில் எடுத்துக் கொள்ளப்படும். உலகக்
கோப்பைப் போட்டி, ஒலிம்பிக், ஆசிய விளையாட்டுப் போட்டி, தெற்காசிய
விளையாட்டுப் போட்டி, சார்க் விளையாட்டுப் போட்டி, தேசிய விளையாட்டுப்
போட்டி, அங்கீகரிக்கப்பட்ட விளையாட்டு சங்கத்தால் நடத்தப்படும் தேசிய
அளவிலான விளையாட்டுப் போட்டி போன்றவற்றில், தனித்திறன் விளையாட்டுகளில்
முதல் மூன்று இடமும், குழு விளையாட்டுப் போட்டிகளில் முதல் இரண்டு இடமும்
பெற்றிருக்க வேண்டும். விண்ணப்பிக்க விரும்புவோர் அதற்கான விண்ணப்பத்தினை இணையதளம் மூலம் பதிவிறக்கம் செய்து கொள்ளலாம். பூர்த்தி
செய்யப்பட்ட விண்ணப்பங்களை மாநில விளையாட்டுச் சங்கம், மாவட்ட விளையாட்டு
அலுவலர், முதன்மைக் கல்வி அலுவலர், மாவட்டக் கல்வி அலுவலர் மற்றும்
முதன்மை உடல் கல்வி ஆய்வாளர் மூலம் உறுப்பினர் செயலர், தமிழ்நாடு
விளையாட்டு மேம்பாட்டு ஆணையம், சென்னை என்ற முகவரிக்கு வரும் செப்டம்பர்
30 ஆம் தேதிக்குள் கிடைக்கும்படி அனுப்ப வேண்டும். உறையின் மீது மாநில முதல்வர் விருது எனக் குறிப்பிட வேண்டும். இவ்வாறு செய்திக்குறிப்பில் குறிப்பிடப்பட்டுள்ளது.

அப்போ நம்ம பக்கிரிய ,பிளேடு போட்டியில் விருதுக்கு பரிந்துரை செய்யணும்

ரபீக் wrote:அப்போ நம்ம பக்கிரிய ,பிளேடு போட்டியில் விருதுக்கு பரிந்துரை செய்யணும்