உசிலை அருகே முன்னாள் ராணுவ வீரர் மாரடைப்பால் திடீர் சாவு

நவீன் · நவீன் Thu Aug 05, 2010 2:18 pm

மதுரை மாவட்டம், உசிலம்பட்டி அருகே பஸ்ஸில் வந்து கொண்டிருந்த போது திடீரென ஏற்பட்ட மாரடைப்பால், முன்னாள் ராணுவ வீரர் உயிரிழந்தார். இது குறித்து கூறப்படுவதாவது:உசிலம்பட்டி
அருகே உள்ள இ.புதுப்பட்டி கிராமத்தைச் சேர்ந்தவர் அழகர் மகன் அழகர்சாமி
(55). முன்னாள் ராணுவ வீரரான இவர், வங்கியில் பாதுகாவலராக பணியாற்றி
வந்துள்ளார். இவர், புதன்கிழமை காலை திருமங்கலத்தில் திமுக
சார்பில் நடைபெற்ற ஆர்ப்பாட்டத்துக்குச் சென்றுவிட்டு, அங்கிருந்து
தனியார் பஸ்ஸில் ஊருக்குத் திரும்பிக் கொண்டிருந்தார். உசிலம்பட்டி
தும்மக்குண்டு விலக்கு அருகே வந்தபோது, இவருக்கு திடீரென நெஞ்சுவலி
ஏற்பட்டுள்ளது. இதனால், பஸ்ஸில் இருந்து கீழே இறக்கி விடப்பட்டுள்ளார்.
பின்னர், வலியால் தரையில் சுருண்டு விழுந்துள்ளார். சிறிது நேரத்தில் அதே
இடத்திலேயே உயிரிழந்தார். இச்சம்பவம் குறித்து அறிந்த, திமுக
புறநகர் மாவட்டச் செயலர் பி. மூர்த்தி எம்.எல்.ஏ., செல்லம்பட்டி திமுக
ஒன்றியச் செயலர் உக்கிரபாண்டி, கவுன்சிலர் தெய்வம், மாவட்டத் துணைச்
செயலர் எம்எல். ராஜ் ஆகியோர் சம்பவ இடத்துக்கு வந்து, தனியார்
ஆம்புலன்ஸில் அவரது உடலை ஏற்றிக்கொண்டு, அவரது சொந்த கிராமமான
ஏ.புதுப்பட்டிக்குச் சென்றனர். இதனிடையே, முன்னாள் ராணுவ வீரரை
கீழே இறக்கிவிட்டுச் சென்ற தனியார் பஸ் மறுபடியும் கட்டத்தேவன்பட்டி அருகே
வந்தபோது, அதை அப்பகுதி மக்கள் சிறைப்பிடித்தனர். இது குறித்து
தகவலறிந்ததும், சிந்துபட்டி போலீஸ் சப்-இன்ஸ்பெக்டர் ராஜேஸ்கண்ணா
அப்பகுதிக்கு விரைந்து சென்று, சம்பந்தப்பட்ட பஸ் ஓட்டுநரிடம் விசாரணை
நடத்தினார்.

உசிலை அருகே முன்னாள் ராணுவ வீரர் மாரடைப்பால் திடீர் சாவு

உசிலை அருகே முன்னாள் ராணுவ வீரர் மாரடைப்பால் திடீர் சாவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக