துளித்துளியாய் - பொன் முருகேசன்

by **Admin** Mon Oct 13, 2008 12:48 am

குமுறல்

தண்ணீர் கேட்டால்
கண்ணீர் வடிக்கிறது.. .
குழாய் *

உழைத்தும்
வாசலில் செருப்பாய்.. .
கூலியாட்கள் *

மனைவிக்கு
முதல் மரியாதை.. .
கட்டிலில் மட்டும் *

by **Admin** Mon Oct 13, 2008 12:48 am

பூமிக்கு
இரத்த தானம்.. .
வன்முறை *

குடிசையிலும்
வாசம்.. .
தெருவோரம் பூக்காரி *

இலவசம் மின்சாரம்
ஃபிளாட்பார வீட்டீல்.. .
நிலா வெளிச்சம் *

by **Admin** Mon Oct 13, 2008 12:48 am

மரியாதையா ?
அடிமைத்தனமா ?
இடுப்பில் துண்டு *

சிந்திய வியர்வை
வீண் போக வில்லை.. .
ஏசி காரில் முதலாளி *

லாட்டரி, சாராயம்
அரசியல், வன்முறை.. .
இந்தியாவில் தொழிற் புரட்சி *

by **Admin** Mon Oct 13, 2008 12:48 am

சுத்தமாய் இருந்தும்
சோறு போடவில்லை.. .
ஏழை வீட்டில் அடுப்பு *

ஏரிக்குள்ளும்
குடிசைகள்.. .
வறட்சி *

கேட்டபோது தராதவன்
கேட்காமலே தந்தான்.. .
வாக்கரிசி *

by **Admin** Mon Oct 13, 2008 12:49 am

குடிகாரனை
பாராட்டினாள் மனைவி.. .
காலிபாட்டில் விற்பனை *

ஈரத்துணிக்கு
உணவானது.. .
ஏழை வயிற்றுப் பசி *

ஏழை வீட்டில்
இசைக் கச்சேரி.. .
பாத்திரத்தில் மழை *

by **Admin** Mon Oct 13, 2008 12:49 am

எங்கள் வீட்டிலும்
பிரதமர்..
தொலைக்காட்சி *

தண்ணீர் ஊற்றியும்
அணையவில்லை.. .
எரியும் வயிறு *

பல்லாக்கில்
போனான் ஏழை.. .
திரைப்படம் *

by **Admin** Mon Oct 13, 2008 12:50 am

பசியோடு
உணவு சுமந்தாள். ..
வேலைக்காரி *

திரைச்சீலையை விலக்கினேன்.. .
தெருவில்
அம்மணச் சிறுவர்கள் *

பசியில் உறங்கியவனை
எழுப்பினான்.. .
சோறில்லை என்று சொல்ல *

by **Admin** Mon Oct 13, 2008 12:50 am

நம்பிக்கையோடு
பிள்ளைகள். ..
அடுப்பில் புகை மூட்டம் *

கையில் கம்பிருந்தும்
நகர முடியாமல்.. .
சிலையாய் காந்தி *

கந்தலையும்
கசக்க முடியவில்லை.. .
தண்ணீர் பஞ்சம் *

by **Admin** Mon Oct 13, 2008 12:52 am

இப்படியும்

தேசிய சின்னம்
தெரியவில்லை.. .
பாடநூலில் மயிலிறகு *

இரண்டே ரூபாயில்
எதிர்காலம்.. .
கிளி சோதிடம் *

ஹிந்து முஸ்லீம்
கிறிஸ்துவர் ஒற்றுமையாய்.. .
திரையரங்கில் *

by **Admin** Mon Oct 13, 2008 12:53 am

எல்லா நாடுகளும்
ஒற்றுமையாய்.. .
அஞ்சல் பெட்டியில் *

சாதிக்கலவரத்தில்
இறந்தவர்களில் ஒற்றுமை.. .
பிணக்குவியல் *

சமாதான கூட்டத்தில்
விருந்து பரிமாறினான்.. .
சண்டை போட்டபடி