ஜல் ஜல் சனுஜா தவிக்கிறாங்க ஒரு தினுசா!

ரபீக் · ரபீக் Thu Aug 05, 2010 2:21 pm

ஆவின் பாக்கெட்டுக்கு பதில் சனுஜா படத்தை வாசலில் போட்டுவிட்டு போகலாம். அந்தளவுக்கு பால் வடியும் முகவெட்டு. தமிழ்சினிமாவுக்கு வந்திருக்கும் லேட்டஸ்ட் பட்டு! ரேணிகுண்டா படத்தில் பாவாடை தாவணியில் வந்த இவர், பேசாத ஊமையாக நடித்து பலரையும் பேச வைத்த அழகி.

அதன்பின் ஆளாளுக்கு சனுஜா நம்பருக்கு போன் போட்டு துளைக்க, நம்ம மேனேஜருதான் எல்லாம் என்று ஒதுங்கிக் கொண்டது கிளி. எல்லாம் அவர் பொறுப்பு என்று விலகிக் கொண்டதன் விளைவு ரேணிகுண்டா நாயகியின் சம்பளத்தை கேட்டு தாயத்து கட்டுகிற அளவுக்கு ஆகியிருக்கிறது தயாரிப்பாளர்களின் நிலைமை. ரேணிகுண்டாவுக்கு பிறகு சனுஜா நடிப்பில் நந்தி என்ற படம் வெளிவரப் போகிறது. அதில் எப்படி நடித்திருக்கிறார்? படம் எப்படியிருக்கிறது என்பதெல்லாம் இனிமேல்தான் தெரியும். நிலைமை அப்படியிருக்க கால் கோடி கேட்கிறாராம் மேனேஜர்.

என்னை கேட்காமல் பேட்டி தரக்கூடாது, என்னை கேட்காமல் சினிமா ஆட்கள் யாரையும் சந்திக்க கூடாது என்று ஏகப்பட்ட கண்டிஷன்கள் போடுவதால் கூண்டுக்கிளியாகியிருக்கிறார் சனுஜா. எப்ப கிளிக்கு றெக்கை முளைக்குமோ, கூண்டை உடைச்சுட்டு பறக்குமோ என்று காத்திருக்கிறார்கள் பல இயக்குனர்கள்.

பி.கு- இதே மேனேஜர்தான் மீரா ஜாஸ்மினுக்கும் மேனேஜராக இருந்தார் என்கிறது கோடம்பாக்க குறிப்பு ஒன்று!