ஜார்கண்டில் காரில் குண்டுவெடித்து: 5 பேர் உடல் சிதறி பலி- மாவோயிஸ்டுகள் தாக்குதல்

மாவோயிஸ்டுகள் ஜார்கண்ட், சதீஸ்கார்,
ஒரிசா, மேற்கு வங்காளம் உள்ளிட்ட 6 மாநிலங்களில் 5 நாள் முழு அடைப்பு
போராட்டத் துக்கு அழைப்பு விடுத்துள்ளனர்.
இன்று
2-வது நாளாக முழு அடைப்பு போராட்டம் நடந்து வருகிறது. இந்த நிலையில்
ஜார்கண்ட் மாநிலத்தில் மாவோயிஸ்டுகள் தாக்குதல் ஒன்றில் ஈடுபட்டனர்.

கிரிதிக் என்ற இடத்தில் பாலம் ஒன்றில் மாவோயிஸ்டுகள் வெடி குண்டை பொருத்தி அங்கு வரும் வாகனங்களை தாக்குவதற் காக தயாராக இருந்தனர்.

அப்போதுகார்
ஒன்று அந்த வழியாக வந்து கொண்டிருந்தது. கார் பாலத்தை அடைந்த போது குண்டை
வெடிக்க செய்தனர். இதில்கார் நொறுங்கியது. அதில் இருந்த 5 பேரும் உடல்
சிதறி பலியானார்கள்.

இறந்தவர்கள்
யார்? என்று தெரியவில்லை. அவர்களை குறிவைத்து தான் மாவோயிஸ்டுகள் குண்டை
வெடிக்க செய்தார்களா? அல்லது போலீசாரை குறி வைத்ததில் இவர்கள் மாட்டிக்
கொண்டார்களா? என்று தெரியவில்லை. அந்த இடத்தில் கூடுதல் போலீசார்
குவிக்கப்பட்டுள்ளனர்.

ஒரிசா
மாநிலம் கந்தகார் மாவட்டத்தில் உள்ள பிஸ்ரா என்ற இடத்தில் ரெயில்வே பலத்தை
மாவோயிஸ்டுகள் குண்டு வைத்து தகர்த்தனர். இது மும்பையில் இருந்து
கொல்கத்தா செல்லும் ரெயில் பாதையாகும். மாவோயிஸ்டுகள் தாக்குதல் நடக்கலாம்
என கருதி இந்த பாதையில் ரெயில்கள் நிறுத் தப்பட்டு இருந்தன. எனவே
ரெயில்கள் தப்பின.

தண்டவாளம்
தகர்ப்பால் அந்த பாதையில் செல்லும் ரெயில்கள் அனைத்தும் மாற்றுப் பாதையில்
திருப்பி விடப்பட்டுள்ளன. இந்த மாவட்டத்தில் மகிவாலி என்ற இடத்தில் சாலை
பாலம் ஒன்றையும் மாவோயிஸ்டுகள் தகர்த்தனர்.

ஜெகிரிபாலி என்ற இடத்தில் கனிம சுரங்கங்கள் உள்ளன. இங்கு யாரும் வேலைக்கு செல்லக் கூடாது என்று மாவோயிஸ்டுகள் தடுத்தனர்.

அப்போது அங்கு வந்த போலீசார், 6 மாவோயிஸ்டு களை கைது செய்தனர். மற்றவர்கள் தப்பி ஓடி விட்டனர்