சோற்றிலிருந்து மதுபானம் – வன்னி மக்களின் கண்டுபிடிப்பு.

mathisutha · mathisutha Tue Aug 03, 2010 9:51 am

எம் தமிழரின் அறிவிற்கு எத்தனையோ கண்டுபிடிப்புக்களை பிடிக்க
வேண்டியவர்கள். தம்மின மோதல்களால் மாட்டைக் கூட பிடிக்க முடியாது
இருக்கிறார்கள்.

தேவைகள் தான் புதுக் கண்டுபிடிப்புக்களை தோற்றுவிக்கும். அதன் விளைவுகளில்
ஒன்று தான் இது. வன்னித் தடுப்பு முகாம்களில் நாம் இருந்த காலத்தில்
மதுபானத்திற்கு முற்றாக தடைவிதிக்கப்பட்டிருந்தது. ஒரு சிலர் வைத்தியசாலை
சென்று வரும் போது இளநீரை உறிஞ்சியால் எடுத்து விட்டு அதற்குள் மதுபானத்தை
விட்டு வருவார்கள். பலரிடம் அது வாங்குமளவிற்கு பணமிருப்பதில்லை. அதனால்
தன் இப்படி ஒரு வழிக்கு இறங்கினார்கள். இனி செய்முறையை சுருக்கமாகப்
பார்ப்போம்.

சமையல் கூடத்தில் எஞ்சிய சோற்றை சேகரித்து அதை ஒரு பாத்திரத்தில் இட்டு 2”
உயரத்திற்கு நீர் ஊற்றி குறைந்தது 5 நாளைக்கு ஊற வைக்க வேண்டும். அத்துடன்
ஒவ்வொரு நாளும் கைகளால் பிசைந்து அதை கூழாக்க வேண்டும். 5 நாட்களும் ஒரு
சிறு துளையிட்ட மூடியால் அதை மூடி வைக்க வேண்டும் (துளையில்லாவிடில்
அமுக்கத்தில் எல்லாம் சீறி வெளியே பறந்து விடும்).பின்னர் அதை ஒரு வடியால் வடித்து வரும் திரவத்தை மீண்டும் ஒரு
பாத்திரத்தில் இட்டு கழிவுகள் கீழே படியும் வரை விடவேண்டும். அதன் பின்
தான் மிக முக்கிய செயற்பாடொன்று நடக்கும். தெளிந்த அந்த நீரை எடுத்து அதன்
மேல் சிறிதளவு சீமேந்து தூவுவார்கள். இறுதியாக தான் தெளிந்த திரவம் ஒன்று
கிடைக்கும் இது தான் நம்மவர் மதுபானம். இது பனங் கள்ளுக்கு சமமானது.

அடுத்த பதிவில் இன்னும் ஒரு மதுபானத்தயாரிப்பு சொல்கிறேன். அது மிகவும்
இலகுவானது ஆனால் சாராயத்தை விட வீரியம் கூடியது. சென்ற தீபாவளியன்று எம்
முகாம் பகுதியில் மட்டும் 225 லீற்றர் மதுபானம் பிடித்துக் கொடுத்தோம்.

என்னங்க சோற்றுக் கள்ளு புளிக்குதா? எனக்கு உங்க ஆதரவுதான் இனிக்கும்.

நிசாந்தன் · நிசாந்தன் Tue Aug 03, 2010 10:04 am

மதிசுதா நீங்கள் வதைமுகாமில் இருந்தீர்களா? தன் இனமே அழிவின் விழும்பில் இருந்தும், தன் குடும்பம் அடுத்த சோற்றுக்கு வழி இல்லாத போதும், தமிழனால் குடிக்காமல் இருக்க முடியாது போலும்.
“குடி குடியைக் கெடுக்கும். விடுதலை வேட்கையையும் தான்”

தஞ்சை.முரளி · தஞ்சை.முரளி Tue Aug 03, 2010 10:13 am

ஒரு பக்கம் கண்டுபிடிப்பு; மறுபக்கம் வருத்தம்.... என்ன கொடுமை சார் இது

**ராஜா** · **ராஜா** Tue Aug 03, 2010 10:51 am

நிசாந்தன் wrote:மதிசுதா நீங்கள் வதைமுகாமில் இருந்தீர்களா? தன் இனமே அழிவின் விழும்பில் இருந்தும், தன் குடும்பம் அடுத்த சோற்றுக்கு வழி இல்லாத போதும், தமிழனால் குடிக்காமல் இருக்க முடியாது போலும்.
“குடி குடியைக் கெடுக்கும். விடுதலை வேட்கையையும் தான்”

சரியாக சொன்னீர்கள் நிசாந்தன் [You must be registered and logged in to see this image.] ,

Sponsored content · Sponsored content

சோற்றிலிருந்து மதுபானம் – வன்னி மக்களின் கண்டுபிடிப்பு.

சோற்றிலிருந்து மதுபானம் – வன்னி மக்களின் கண்டுபிடிப்பு.

Re: சோற்றிலிருந்து மதுபானம் – வன்னி மக்களின் கண்டுபிடிப்பு.

Re: சோற்றிலிருந்து மதுபானம் – வன்னி மக்களின் கண்டுபிடிப்பு.

Re: சோற்றிலிருந்து மதுபானம் – வன்னி மக்களின் கண்டுபிடிப்பு.

Re: சோற்றிலிருந்து மதுபானம் – வன்னி மக்களின் கண்டுபிடிப்பு.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக