தேர்வு எழுதுவதற்கு சி.பி.எஸ்.இ. மாணவர்களுக்கு கூடுதலாக 30 நிமிடம்

மத்திய பாடவாரியத்தின்
(சி.பி.எஸ்.இ.) கீழ்படிக்கும் மாணவர்களுக்கு தேர்வு முறையில்
சீர்திருத்தங்களை செய்ய சி.பி.எஸ்.இ. முடிவு செய்துள்ளது. மாணவர்கள்
தேர்வை கடினமாக இல்லாமல் எளிதாக எழுத வேண்டும் என்பதற்காக சில சீர்திருத்த
நடவடிக்கைகளை மேற்கொண்டுள்ளது.

இது
தொடர்பாக சி.பி. எஸ்.இ. தேர்வுத்துறை கட்டுப்பாட்டு அதிகாரி எம்.சி. சர்மா
பள்ளிகளுக்கு அனுப்பியுள்ள சுற்றறிக்கையில் கூறியிருப்பதாவது:-

சி.பி.எஸ்.இ. தேர்வுகள் வருடத்துக்கு ஒருமுறை என்று இல்லாமல் வருடம்
முழுவதும் மாணவர்களுக்கு எளிமையான முறையில் தினமும் சிறு சிறு தேர்வுகளை
நடத்த வேண்டும். அப்போது அவர்களுக்கு போதிய நேரம் அளிக்க வேண்டும்.

மாணவர்கள்
மன அழுத்தம், பயம் இல்லாமல் சாதாரணமாக தேர்வு எழுத வழிவகை செய்ய வேண்டும்.
ஒவ்வொரு மாணவர்களும் வெவ்வேறு விதமாக தேர்வு முறைகளை கையாள்வார்கள். சிலர்
விரைவாக எழுதுவார்கள், சிலர் நிதானமாக எழுதுவார்கள். இதனால் எல்லா மாண
வர்களும் பயன்பெறும் வகையில் தேர்வு முறைகள் இருக்க வேண்டும். அதனால் 9
மற்றும் 10-ம் வகுப்பு மாணவர்களுக்கு அரைமணி நேரம் கூடுதலாக நேரம் ஒதுக்க
வேண்டும்.

தற்போது
3 மணி நேரம் ஒதுக்கப்படுகிறது. அனைத்து மாணவர்களும் தேர்வு எழுதும் விதமாக
30 நிமிடம் கூடுதலாக ஒதுக்க வேண்டும். இதன் மூலம் மாணவர்கள் தேர்வினை
முழுமையாக எழுதி முடிக்க முடியும்.

தேர்வுகள்
செப்டம்பர் மாதம் முதல் வாரத்தில் தொடங்க வேண்டும். இதற்கான வினாத்தாள்
தொகுப்பினை சி.பி.எஸ்.இ. அனைத்து பள்ளிகளுக்கும் விரைவில் அனுப்பும்.
வினாத்தாளை பெற்றுக் கொண்டு மாணவர்களுக்கு அந்த தொகுப்பில் இருந்து ஒரு
வினாத்தாளை தேர்ந்தெடுத்து தேர்வை நடத்த வேண்டும்.

தேர்வு
முடிந்தவுடன் விடைத்தாளை அந்த ஆசிரியரே திருத்தி கொள்ளலாம். இதன் மூலம்
மாணவர்களுக்கு தேர்வு முடிவுகள் உடனடியாக தெரிந்து கொள்ள ஏதுவாக
இருக்கும். அது மட்டுமின்றி கடந்த ஆண்டு தெரிவிக்கப் பட்ட அனைத்து
விதிமுறை களையும் பயன்படுத்த வேண்டும்.

புத்தகங்கள்
மட்டுமின்றி புத்தகம் சார்ந்த விவரங்களையும் கேள்விகளாக கேட்க வேண்டும்.
அனைத்து பள்ளிகளும் வாரியம் கூறியுள்ள விதிமுறைகளை பின்பற்றி “ரிப்போர்ட்
கார்டு” வழங்க வேண்டும்.

கேள்விகள் அனைத்தும் கடினமாக இல்லாமல் தேர்வில் நல்ல மதிப்பெண்கள் பெற வழிவகை செய்ய வேண்டும்.

இவ்வாறு அதில் கூறப்பட்டுள்ளது.