வடசென்னையில் முத்திரையிடாத எடை கற்கள், தராசுகள் பறிமுதல்; தொழிலாளர் அதிகாரிகள் நடவடிக்கை

நவீன் · நவீன் Wed Aug 04, 2010 5:58 pm

வடசென்னையில் முத்திரையிடாத எடை கற்கள், தராசுகள் பறிமுதல் செய்யப்பட்டன. தொழிலாளர்
நல அமைச்சர் தா.மோ. அன்பரசன் ஆணைப்படியும், முதன்மை செயலாளர் மற்றும்
தொழிலாளர் ஆணையர் ஹன்ஸ்ராஜ் வர்மா, சென்னை, தொழிலாளர் இணை ஆணையர்
ஆர்.மதன்மோகன் மற்றும் சென்னை, தொழிலாளர் துணை ஆணையர் எஸ். கலை வாணி
ஆகியோர்களின் அறிவுரையின்படியும், சட்ட முறை எடை அளவு கட்டுப் பாட்டு
அதிகாரி ரவிச்சந்திரன் மேற்பார்வையில், சென்னை முதல் வட்ட தொழிலாளர்
ஆய்வர் க. வீரப்பன் தலைமையில் தொழிலாளர் துணை ஆய்வாளர்கள் அங்கமுத்து,
உதயகுமார், மணிமேகலை, எஸ். ரஞ்சனா, பி. நாககுமார், சங்கீதா, வேதநாயகி,
ஹேமா விஜயலட்சுமி ஆகியோர் கொண்ட குழு பூக்கடை பகுதி, பழைய வண்ணாரப்
பேட்டை, கல்மண்டபம் தண்டையார்பேட்டை ஆகிய பகுதிகளில் எடை அளவு சட்டத்தின்
கீழ் பழக்கடைகள், காய்கறி கடைகள் மற்றும் பூ வியாபாரம் செய்யும் கடைகளில்
திடீர் கூட்டாய்வு மேற்கொள்ளப்பட்டது.

ஆய்வின்போது
அரசு முத்திரையிடத் தவறிய 37 மேஜை தராசுகள், 13 விட்டத்தராசுகள், 3
எலக்ட்ரானிக் தராசுகள், 2 வில் தராசுகள் மற்றும் 91 இரும்பு எடைக்கற்கள்
ஆகியவைகள் பறிமுதல் செய்யப்பட்டன. பூ வியாபாரம் செய்யும் கடைகளில் 12
வழக்குகளும், காய்கறி கடைகளில் 4 வழக்குகளும் பதிவு செய்யப்பட்டு,
சம்பந்தப்பட்ட கடை உரிமையாளர்கள் மீது வழக்கு தொடர நடவடிக்கை
மேற்கொள்ளப்பட்டுள்ளது.

வியாபாரிகள் தங்களது எடை அளவுகளை ஓராண்டு ஈராண்டுகளுக்கு ஒருமுறை முத்திரையிட்டுக்கொள்ள வேண்டுமென அறிவுறுத்தப்பட்டார்கள்.

மேற்கண்ட தகவலை, சென்னை, முதல் வட்ட தொழிலாளர் ஆய்வாளர் க.வீரப்பன் தெரிவித்தார்.

வடசென்னையில் முத்திரையிடாத எடை கற்கள், தராசுகள் பறிமுதல்; தொழிலாளர் அதிகாரிகள் நடவடிக்கை

வடசென்னையில் முத்திரையிடாத எடை கற்கள், தராசுகள் பறிமுதல்; தொழிலாளர் அதிகாரிகள் நடவடிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக