அமெரிக்காவில் நிறவெறி கொடுமையால் ஆத்திரம் 8 பேர் சுட்டுக்கொலை; தன்னை தானே சுட்டு வாலிபர் தற்கொலை.!!

நிசாந்தன் · நிசாந்தன் Wed 4 Aug 2010 - 18:05

அமெரிக்காவில் கனெக் டிகட் மாகாணத்தில் உள்ள ஹார்ட் போர்டு பகுதியைச்சேர்ந்த ஒமர் தார்டன் (34). இவர் கறுப்பர் இனத்தைச் சேர்ந்தவர்.

அங்குள்ள ஒரு சூப்பர் மார்க்கெட்டில் ஊழியராக இவர்பணிபுரிந்து வந்தார்.

இங்கு பணியாற்றிய வெள்ளைக்காரர்கள் இவரிடம் நிறவெறி காட்டியதாக தெரிகிறது. இவரை பற்றி பாத்ரூமில் மனம் புண்படும் வகையில் படம் வரைந்து வாசகங்களை எழுதி வைத்தனர்.

மேலும் இவர் மனம் வேதனைப்படும் வகையில் செயல்பட்டனர். இதனால் ஒமர்தார்டன் ஆத்திரம் அடைந்தார்.

நேற்று காலை கடையில் 50 முதல் 60 பேர் இருந்தனர். முதல் ஷிப்ட் முடிந்து அடுத்த ஷிப்டுக்கு ஊழியர்கள் தயாரானார்கள். அப்போது யாரும் எதிர்பாராதவிதமாக தார்டன் தான் வைத்திருந்த துப்பாக்கியால் கூட்டத் தினரை நோக்கி சுட்டார். 8 பேர் அதே இடத்தில் பரிதாபமாக இறந்தனர்.

இச்சம்பவம் பெரும் பரபரப்பை ஏற்படுத்தியது. உடனே அவரை வளைத்து பிடிக்க சூப்பர் மார்க்கெட் ஊழியர்கள் முயன்றனர். அதற்குள் தார்டன் அதே துப்பாக்கியால் தன்னைத் தானே சுட்டு தற்கொலை செய்து கொண்டார்.

தகவல் அறிந்ததும் மான் செஸ்டர் நகர போலீசார் விரைந்து வந்து விசாரணை நடத்தினர். இந்த கொலை நிறவெறியால் நடந்தது அல்ல என சூப்பர் மார்க்கெட் உரிமையாளர் மறுத்தார்.

நிறவெறி கொடுமை குறித்து தார்டன் இது வரை புகார் எதுவும் தெரிவிக்கவில்லை. அவர் பீர்பாட்டில் திருடியதை வீடியோ கிளிப்பிங்ஸ் மூலம் கண்டு பிடித்து நடவடிக்கை எடுக்கப்பட்டது. இதனால் ஆத்திரம் அடைந்து அவர் இச் செயலில் ஈடுபட்டுள்ளார் என்றார். போலீசார் தொடர்ந்து விசாரித்து வருகின்றனர்

அமெரிக்காவில் நிறவெறி கொடுமையால் ஆத்திரம் 8 பேர் சுட்டுக்கொலை; தன்னை தானே சுட்டு வாலிபர் தற்கொலை.!!

அமெரிக்காவில் நிறவெறி கொடுமையால் ஆத்திரம் 8 பேர் சுட்டுக்கொலை; தன்னை தானே சுட்டு வாலிபர் தற்கொலை.!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக