“தொடர்ந்து நடிப்பேன். சினிமாவை விட்டு விலக மாட்டேன்'' - நயன்தாரா பேட்டி

நிசாந்தன் · நிசாந்தன் Wed 4 Aug 2010 - 17:54

ஆர்யா-நயன்தாரா ஜோடியாக நடித்து வந்த `பாஸ் என்ற பாஸ்கரன்` படத்தை வாசன் விசுவல் வென்சர்ஸ் என்ற நிறுவனம் சார்பில் கே.எஸ்.சீனிவாசன் தயாரித்து வந்தார். ராஜேஷ் எம். டைரக்டு செய்தார்.

இந்த படத்தின் கடைசி நாள் படப்பிடிப்பு, சென்னை திரிசூலத்தில் உள்ள பின்னி மில்லில் நடந்தது. ஆர்யா-நயன்தாரா சம்பந்தப்பட்ட ஒரு பாடல் காட்சியை டான்ஸ் மாஸ்டர் தினேஷ் படமாக்கிக் கொண்டிருந்தார்.

கடைசி `ஷாட்` படமாகி முடிந்ததும், படக் குழுவினர் அனைவரும் கைதட்டி ஆரவாரம் செய்தார்கள். உடனே ஒரு பெரிய `கேக்` வரவழைக்கப்பட்டது. அந்த `கேக்`கை ஆர்யா வெட்ட, அனைவரும் கைதட்டினார்கள்.

அப்போது, பட அதிபர் கே.எஸ்.சீனிவாசன் நிருபர்களிடம் கூறியதாவது:-

``பாஸ் என்ற பாஸ்கரன்` படம் மிக நன்றாக வந்து இருக்கிறது. திட்டமிட்டபடி, டைரக்டர் ராஜேஷ் 65 நாட்களில் இந்த படத்தை முடித்துக் கொடுத்து இருக்கிறார். பொதுவாக ஒரு படத்தை ஆரம்பிக்கும்போது பட அதிபருக்கும், டைரக்டருக்கும் இருக்கும் நட்பும், மரியாதையும் படம் முடியும்போது இருக்காது.

ஆனால் நானும், ராஜேசும் அருகருகே அமர்ந்து சிரித்து பேசுகிற அளவுக்கு, இந்த படத்தில் எந்த பிரச்சினையும் ஏற்படவில்லை. முழு படத்தையும் பார்த்த ஆர்யா, ``இந்த படத்தை எனக்கு கொடுத்து விடுங்கள்`` என்று தனது ஷோ பீப்பிள் நிறுவனத்துக்காக வாங்கி விட்டார். ஆர்யாவிடம் இருந்து இன்னும் அதிக விலை கொடுத்து, ரெட் ஜெயன்ட் நிறுவனத்துக்காக உதயநிதி ஸ்டாலின் வாங்கி இருக்கிறார்.``

இவ்வாறு கே.எஸ்.சீனிவாசன் கூறினார்.

``பாஸ் என்ற பாஸ்கரன் படத்தில், நான் கல்லூரி படிப்பை முடித்துவிட்டு வேலை தேடும் இளைஞனாக வருகிறேன். நயன்தாரா, கல்லூரி மாணவியாக வருகிறார். படத்தில், நெருக்கமான காதல் காட்சி இருக்கிறது. ஆனால், முத்த காட்சி கிடையாது. இந்த படம் என் அந்தஸ்தை மேலும் ஒரு படி உயர்த்தும் என்று எதிர்பார்க்கிறேன்.

`மதராசபட்டினம்` படத்தில், எனக்கு நல்ல பெயர் கிடைத்தது. படம் பார்த்துவிட்டு, டைரக்டர் பாலா என்னை பாராட்டினார். அந்த படத்தின் கதாநாயகி எமி படக் குழுவினர் அனைவரின் முன்னிலையில், ``உன்னை எனக்கு ரொம்ப பிடிச்சிருக்கு...இந்த ஊர் பிடிச்சிருக்கு`` என்று என்னிடம் கூறியதால், எனக்கும் அவருக்கும் காதல் என்று வதந்தி பரப்பி விட்டார்கள். எமி உள்பட எந்த கதாநாயகியுடனும் எனக்கு காதல் இல்லை. திருமணம் பற்றி இன்னும் ஒரு முடிவுக்கு வரவில்லை. காதல் திருமணத்தில் எனக்கு உடன்பாடு இருக்கிறது.``

மேற்கண்டவாறு ஆர்யா கூறினார்.

நயன்தாரா கூறியதாவது:-

``நான், சினிமாவை விட்டு விலகப் போவதாக சிலர் வதந்தி பரப்பி இருக்கிறார்கள். அதில், உண்மை இல்லை. தொடர்ந்து நடிப்பேன். 2 தெலுங்கு படங்களிலும், ஒரு தமிழ் படத்திலும் நடிப்பதற்கான பேச்சுவார்த்தை நடந்து வருகிறது. அந்த படங்களை பற்றி இன்னும் ஒரு வாரத்தில் அறிவிப்பேன்.``

இவ்வாறு நயன்தாரா கூறினார்.

நவீன் · நவீன் Wed 4 Aug 2010 - 18:56

**சிவா** · **சிவா** Wed 4 Aug 2010 - 18:59

நீங்கல்லாம் சினிமாவை விட்டு விலகிவிட்டால் எங்கு செல்வீர்கள் என்பது உங்களுக்கும் நன்றாகத் தெரியும்..!!! அதனால் வேறுவழியின்றி நடித்துதானே ஆக வேண்டும்.

ரபீக் · ரபீக் Wed 4 Aug 2010 - 19:01

சிவா wrote:நீங்கல்லாம் சினிமாவை விட்டு விலகிவிட்டால் எங்கு செல்வீர்கள் என்பது உங்களுக்கும் நன்றாகத் தெரியும்..!!! அதனால் வேறுவழியின்றி நடித்துதானே ஆக வேண்டும்.

அப்படி போடு தலை அருவாள

Sponsored content · Sponsored content

“தொடர்ந்து நடிப்பேன். சினிமாவை விட்டு விலக மாட்டேன்'' - நயன்தாரா பேட்டி

“தொடர்ந்து நடிப்பேன். சினிமாவை விட்டு விலக மாட்டேன்'' - நயன்தாரா பேட்டி

Re: “தொடர்ந்து நடிப்பேன். சினிமாவை விட்டு விலக மாட்டேன்'' - நயன்தாரா பேட்டி

Re: “தொடர்ந்து நடிப்பேன். சினிமாவை விட்டு விலக மாட்டேன்'' - நயன்தாரா பேட்டி

Re: “தொடர்ந்து நடிப்பேன். சினிமாவை விட்டு விலக மாட்டேன்'' - நயன்தாரா பேட்டி

Re: “தொடர்ந்து நடிப்பேன். சினிமாவை விட்டு விலக மாட்டேன்'' - நயன்தாரா பேட்டி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக