வெலிகந்த தடுப்பு முகாமில் போராளிகள் ஐவர் தூக்கிட்டு தற்கொலைக்கு முயற்சி

நிசாந்தன் · நிசாந்தன் Wed Aug 04, 2010 3:53 pm

வன்னிப் போரில் அரச படைகளிடம் சரணடைந்த விடுதலைப் புலிகள் இயக்க போராளிகள் ஐவர் தற்கொலைக்கு முயன்றுள்ளதாக உள்ளக தகவல்கள் கசிந்துள்ளன. திருகோணமலை வெலிகந்த `புனர்வாழ்வு` முகாமில் தடுத்து வைக்கப்பட்டுள்ள இளைஞர்களே சில நாட்களுக்கு முன்னர் தம்மைத் தூக்கிட்டுத் தற்கொலை செய்து கொள்ளும் முயற்சியில் ஈடுபட்டதாக தெரிவிக்கப்பட்டுள்ளது.

இவர்கள் கடந்த ஒரு வருடத்திற்கு மேலாக உறவினர்கள் எவரும் சந்திக்க முடியாதபடி தனியாக தடுத்து வைக்கப்பட்டு உள்ளனர். இவர்களுக்கு தேவையான அடிப்படை வசதிகளான மருத்துவ, சுகாதார, கழிப்பிட மற்றும் குடிநீர் வசதிகள் எதுவும் போதுமான அளவிற்கு ஏற்படுத்தப்படவில்லை எனவும் தற்போது நிலவும் வெப்பமான காலநிலையில் தொடர்ந்து முகாம்களுக்குள் அடைந்து கிடைக்க முடியாது இவர்கள் பெரும் சிரமங்களை எதிர்கொண்டு வருவதாகவும் தெரிவிக்கப்படுகிறது.

இதுபோன்ற தடுப்பு முகாம்களுக்கு அரசாங்கம் `புனர்வாழ்வு முகாம்கள்` என அழகான பெயரிட்டு அழைக்கின்ற போதும் இவை சிறைச்சாலையை விட மோசமான முறையில் இருப்பதாகவும் கடந்த 15 மாதங்களுக்கு மேலாக இதுபோன்ற தடுப்பு முகாம்களில் பெரும் மன அழுத்தங்களுடன் வாடும் போராளிகளே இவ்வாறு தற்கொலைக்கு முயன்றுள்ளதாகவும் தெரிவிக்கப்படுகிறது.

சர்வதேச அழுத்தங்கள் காரணமாக, போராளிகள் விடுதலை செய்யப்படும் செய்திகளுக்கு அரச தரப்பினர் அண்மைக்காலமாக முக்கியத்துவம் கொடுத்து வருகின்றனர். இந்நிலையில் முகாம்களில் இடம்பெறும் இதுபோன்ற சம்பவங்களை அரசு திட்டமிட்டு மறைத்து வருவது குறிப்பிடத்தக்கது.

வெலிகந்த தடுப்பு முகாமில் போராளிகள் ஐவர் தூக்கிட்டு தற்கொலைக்கு முயற்சி

வெலிகந்த தடுப்பு முகாமில் போராளிகள் ஐவர் தூக்கிட்டு தற்கொலைக்கு முயற்சி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக