சர்வதேச வேலை வாய்ப்பு சந்தையில் மந்த நிலை

by arularjuna Wed Aug 04, 2010 3:49 pm

சர்வதேசப் பொருளாதார நெருக்கடி காரணமாக அமெரிக்கா உள்ளிட்ட வளர்ந்த நாடுகளின் வேலை வாய்ப்பு சந்தையில் தேக்க நிலை ஏற்பட்டது நாம் அறிந்ததே. சம்பள வெட்டு, வேலை பறிப்பு போன்ற எதிர்மறை வளர்ச்சி காரணமாக அமெரிக்காவின் வேலை வாய்ப்பு சந்தை துவண்டிருந்தது. தற்போது சர்வதேசப் பொருளாதாரத்தில் வளர்ச்சி ஏற்பட்டு வருகிறது. இருந்த போதும் அமெரிக்காவில் இன்னமும் மந்த நிலையே நிலவுகிறது. வேலை வாய்ப்பு சந்தையின் வளர்ச்சி போதுமான அளவில் இல்லை என்று நிபுணர்கள் கூறுகிறார்கள்.
அமெரிக்காவில் வேலையில்லாதவர்களின் எண்ணிக்கை 9.5 சதவிகிதமாகக் குறைந்துள்ளது. இது மே மாத நிலவரத்தைவிட சற்றே முன்னேற்றம் கண்டுள்ளது. ஆனால் வேலையில்லாதவர்கள் தங்கள் வேலை தேடும் முயற்சிகளைக் கைவிட்டதால் மட்டுமே இந்த விகிதத்தில் முன்னேற்றம் ஏற்பட்டுள்ளதாக நிபுணர்கள் கூறுகிறார்கள்.
ஜூன் மாதத்தில் தனியார் நிறுவனங்கள் 83 ஆயிரம் புதிய பணி வாய்ப்புகளை உருவாக்கியுள்ளன.
இந்த ஆண்டின் 2வது காலாண்டில் அடியெடுத்து வைத்த நிலையில் வீட்டுக் கடன் முதல் பொருள் உற்பத்தித் துறை வரை இன்னமும் மந்த நிலையே நீடிக்கிறது. தற்போது அமெரிக்க அரசாங்கத்தின் கூடுதல் உதவிக்காலம் முடிவுக்கு வரும் நிலையில், ஏற்கெனவே தத்தளிக்கும் வேலை வாய்ப்பு சந்தையும், நிறுவனங்களும் எப்படி சமாளிக்கப்போகின்றன என்பது ஒரு கேள்விக்குறியே என்று நிபுணர்கள் கூறுகிறார்கள்.