இலவச ஓட்டுனர் பயிற்சி பெற விண்ணப்பிக்கலாம்

ஊட்டி : பிற்படுத்தப்பட்ட, மிகவும் பிற்படுத்தப்பட்ட, சீர்மரபினர் இனத்தை
சேர்ந்த இளைஞர்களுக்கு, அரசால் இலவசமாக வாகன ஓட்டுனர் பயிற்சி அளிக்க
உள்ளதால் விண்ணப்பங்கள் உடனடியாக வரவேற்கப்படுகின்றன.நீலகிரி மாவட்ட
கலெக்டர் அர்ச்சனா பட்நாயக் வெளியிட்டுள்ள செய்திக்குறிப்பு:
பிற்படுத்தப்பட்டோர்,
மிகவும் பிற்படுத்தப்பட்டோர், சீர்மரபினர் இனத்தை சேர்ந்த இளைஞர்களுக்கு
(சிறுபான்மையினர் தவிர), இலகு ரக, கனரக வாகன ஓட்டுனர் இலவசப் பயிற்சி,
அரசு கட்டுப்பாட்டில் இயங்கும் சாலை போக்குவரத்து நிறுவனம் மூலம்
வழங்கப்படுகிறது. பயிற்சியில் சேர 20 வயதுக்கு குறையாமலும், 10ம் வகுப்பு
தேர்ச்சி பெற்றும், ஆண்டு வருமானம் ஒரு லட்சத்துக்கு மிகாமலும் இருக்க
வேண்டும். கனரக வாகன ஓட்டுனர் பயிற்சியில் சேர, இலகுரக வாகன ஓட்டுனர்
உரிமம் மற்றும் பி.எஸ்.பி., பேட்ஜ் வைத்திருக்க வேண்டும்; பயிற்சி
கட்டணத்தை அரசே ஏற்கிறது.விருப்பம் உள்ளோர், தங்களின் புகைப்படத்துடன்
பெயர், விலாசம், வயது, சாதி, ஆண்டு வருமானம், சேர விரும்பும் பயிற்சி ஆகிய
விபரங்களை, வெள்ளை தாளில் பூர்த்தி செய்து, சான்றுகளின் நகல்களுடன்,
"கூடுதல் இயக்குனர் (க.வா.ஓ.ப), சாலைப் போக்குவரத்து நிறுவனம், ஓட்டுனர்
பயிற்சி பிரிவு, கும்மிடிப்பூண்டி 610201, திருவள்ளுர்' என்ற முகவரிக்கு
விண்ணப்பித்து பயன்பெறலாம். இவ்வாறு, அர்ச்சனா பட்நாயக் கூறியுள்ளார்.