இந்திய படையின் வீரர்களுக்கு தரப்படும் உணவு தரமற்றது, காலாவதியானது

by ரபீக் Wed Aug 04, 2010 11:25 am

உலகின் மூன்றாம் பெரிய ராணுவமான இந்திய ராணுவத்திற்கு தரப்படும் உணவு ரேஷன்கள் தரமற்றவையாகவும் அதன் அனுமதிக்கப்பட்ட கால அளவுக்கு பிறகு வழங்கப்படுகிறது என்ற அதிர்ச்சி தகவலை சி.ஏ.ஜி என்று அழைக்கப்படும் இந்திய அரசின் ஆடிட்டர் ஜெனரல் அறிக்கை கூறுகிறது.

ஏற்கனவே ராணுவத்தில் வழங்கப்படும் முட்டை, கோதுமை, பருப்பு வகைகளில் ஊழல்கள் நடைபெற்றுள்ளதும் லெப்டினண்ட் ஜெனரல் உள்ளிட்டோர் மாட்டியுள்ள நிலையில் தற்போது ராணுவத்துக்கு வழங்கப்படும் ஒட்டு மொத்த உணவு விநியோகமும் ஊழல் நாற்றத்தில் மூழ்கியிருப்பதாக அதிர்ச்சி தகவல் வெளிவந்துள்ளது.

உதாரணத்திற்கு ஜம்மு காஷ்மீரில் உள்ள மூன்று இலட்சம் வீரர்களுக்கு வழங்கப்படும் உணவு ரேஷன்கள் அனுமதிக்கப்பட்ட கால அளவை தாண்டி 6 மாதங்களுக்கு மேல் வழங்கப்பட்டுள்ளது அதிர்ச்சியளிக்க கூடிய ஒன்றாகும். 2005 முதல் 2008 வரை டெண்டரோ அல்லது போட்டியோ இல்லாமல் ஓரே வர்த்தகரே ஆட்டுக்கும் கோழிக்கும் உரிமை எடுத்துள்ளார்.

அப்பட்டமாக விதிமுறைகளை மீறி வெவ்வேறு போக்குவரத்து மற்றும் சுற்றுலா நிறுவனங்கள் விநியோக உரிமைகளை எடுத்துள்ளதையும் அறிக்கை சுட்டி காட்டுகிறது. எனவே இது குறித்து அரசு விரிவான விசாரணை நடத்த வேண்டும் என்றும் அவ்வறிக்கை சுட்டிக் காட்டியுள்ளது.