தங்க பூஜைபொருள் திருட்டு

நவீன் · நவீன் Wed Aug 04, 2010 11:02 am

உத்திராட்ச மாலை உள்ளிட்ட தங்க பூஜைபொருள் திருட்டு ராமேஸ்வரத்தில் கைவரிசை:

ராமேஸ்வரம்:ஆக்ராவை சேர்ந்த சுவாமி அரவிந்த் மகராஜியிடம் நான்கு லட்சம்
ரூபாய் மதிப்புள்ள உத்திராட்ச மாலை உள்ளிட்ட தங்க பூஜைபொருட்களை திருடி
மர்ம நபரை போலீசார் தேடி வருகின்றனர். ஆக்ராவை சேர்ந்த சுவாமி அரவிந்த்
மகராஜ் தலைமையில் ராமேஸ்வரம் கோசுவாமி மடத்தில் கடந்த சில நாட்களாக ராமகதா
பஜன் நடந்து வருகிறது. இதில் கலந்து கொள்வதற்காக ஆக்ராவிலிருந்தும்
மற்றும் பல்வேறு மாநிலங்களில் இருந்தும் ஏராளமான பக்தர்கள் ராமேஸ்வரம்
வந்துள்ளனர். இவர்கள அனைவரும் காலை துவங்கி மாலை வரை நடைபெறும் பஜனையில்
கலந்து கொண்டு, இரவில் தங்கியிருக்கும் அறைகளுக்கு சென்று விடுவது
வழக்கம். நேற்று முன்தினம் இரவில் வழக்கம்போல் பஜனையை முடித்துக்கொண்ட
அரவிந்த் மகராஜ் , அறைக்கு ஓய்வெடுக்க சென்றார்.
படுக்கைக்கு செல்லுமுன் கழுத்தில் அணிந்திருந்த தங்க உத்திராட்ச மாலையை
கழற்றி ஜன்னல் அருகில் வைத்துவிட்டு துங்கினார். அதிகாலையில் படுக்கையில்
இருந்து எழும்பிய அவர், கழற்றி வைத்த தங்கமாலையை தேடியபோது
காணவில்லை.இதுபோல் வைரம் பதித்தசெயின் ,பூஜைக்கான தங்கமாங்கல்யம் உள்ளிட்ட
பொருட்களும் திருடு போயின.இதன் மதிப்பு நான்கு லட்சம் ரூபாய் . கோசுமவாமி
மடம் மேனேஜர் சந்தானகிருஷ்ணன் போலீசாருக்கு தகவல் கொடுத்தார். டவுன்
இன்ஸ்பெக்டர் சண்முகம் திருடுபோன அறையை பார்வையிட்டு, சுவாமிஜியிடம்
விசாரணை செய்தார். தடயவியல்துறை நிபுணர்கள் மற்றும் மோப்ப நாய்
வரவழைக்கப்பட்டு அறை மற்றும் பல்வேறு இடங்களில் சோதனை மேற்கொள்ளப்பட்டது.
மடத்தில் இரவில் பணியாற்றிய நபர்களிடமும் போலீசார் விசாரித்து வருகின்றனர்.

தங்க பூஜைபொருள் திருட்டு

தங்க பூஜைபொருள் திருட்டு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக