ஆசிரியர் பயிற்சி நிறுவனத்தில் திருநங்கை : 39ம் வயதில் நிறைவேறிய கனவு

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

ஆசிரியர் பயிற்சி நிறுவனத்தில் திருநங்கை : 39ம் வயதில் நிறைவேறிய கனவு

#357964

arularjuna
இளையநிலா: பதிவுகள் : 436
இணைந்தது : 04/09/2009

Post arularjuna Wed Aug 04, 2010 10:03 am

ராமநாதபுரம் : ஆசிரியர் பயிற்சி நிறுவனத்தில் சேர வேண்டும் என்ற கனவை, ராமநாதபுரம் மாவட்டத்தைச் சேர்ந்த திருநங்கை ஒருவர், தன் 39ம் வயதில் சாதித்துள்ளார்.

ராமநாதபுரம் மாவட்டம் பரமக்குடி வசந்தபுரத்தைச் சேர்ந்தவர் நந்தினி(39). திருநங்கையான இவர், 1988ல் பிளஸ் 2 முடித்தார். திருநங்கையர் என்ற காரணத்தால் இவரது படிப்புக்கு தடை ஏற்பட்டது. இதற்கிடையில், திருநங்கையர்களுக்கு அரசு சார்பில் நிறைய சலுகைகள் அறிவிக்கப்பட்டன. இதை பயன்படுத்த நினைத்த நந்தினி, ஆசிரியர் பயிற்சிக்கு படிக்க விண்ணப்பித்தார். காலம் கடந்த நிலையிலும் இவருக்கு வாய்ப்பளிக்க அரசு முன்வந்தது. ஆதரவற்றோருக்கான சான்றிதழ் சமர்ப்பிக்கப்பட்டு, கவுன்சிலிங் மூலம் நந்தினிக்கு ஆசிரியர் பயிற்சி நிறுவனத்தில் இடம் கிடைத்தது. ராமநாதபுரம் மாவட்டம் மஞ்சூர் அரசு ஆசிரியர் பயிற்சி நிறுவனத்தில் முதலாம் ஆண்டு சேர்ந்துள்ள நந்தினி, சக நண்பர்களுடன் சகஜமாக பழகி வருகிறார். "பிளஸ் 2 பாடத்தில் 590 மதிப்பெண் பெற்றிருந்தேன். எங்களுக்கு வழங்கிய சலுகைகள் மூலம் என்னால் வாய்ப்பை பெற முடிந்தது. என் கனவு முடிந்துவிட்டதாக நானே எண்ணிய நேரத்தில், திடீரென கல்லூரியில் சேர்ந்தது மகிழ்ச்சியளிக்கிறது' என்றார் நந்தினி.

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1