பெட்ரோல் ஊற்றி பெண் கொலை:திருக்கோவிலூர் அருகே பதட்டம்

நவீன் · நவீன் Wed Aug 04, 2010 10:11 am

திருக்கோவிலூர்:திருக்கோவிலூர் அருகே, காரில் சென்ற பெண் மீது பெட்ரோல்
ஊற்றி தீ வைத்து கொலை செய்த கும்பலை போலீசார் தேடி
வருகின்றனர்.விழுப்புரம் மாவட்டம் திருக்கோவிலூர் அடுத்த சித்தேரிப்பட்டு
காலனியை சேர்ந்தவர் தனபால். இவருக்கும் அதே பகுதியை சேர்ந்த தாவீது
மகன்கள் செல்வராஜ், திவ்யநாதன் குடும்பத்திற்கும் முன் விரோதம்
இருந்தது.நேற்று முன்தினம் இரவு 9 மணியளவில் தனபால் மகன் சசிகுமார் (20),
தனது நண்பர் வீரப்பனுடன் பேசிக் கொண்டிருந்தார்.
அவ்வழியாக வந்த திவ்யநாதன் மகன் ஆனந்தராஜ் (27), செல்வராஜ் மகன்
ஜெயக்குமார்(32) ஆகியோர் தங்களைப்பற்றி பேசுவதாக கூறி தகராறு செய்தனர்.
சசிக்குமார் நடந்த சம்பவம் பற்றி வீட்டிற்கு சென்று பெற்றோரிடம் கூறிக்
கொண்டிருந்தார்.அங்கு சென்ற தாவீது மகன்கள் செல்வராஜ், திவ்யநாதன்,
சின்னப்பன், இருதயராஜ் மற்றும் அவர்களது குடும்பத்தினர் கும்பலாக
சசிகுமார், சத்தியசீலன் ஆகியோரை கொடுவாளால் வெட்டினர். பலத்த காயமடைந்த
சசிக்குமார், அவரது தம்பி சத்தியசீலனையும் டாடா சுமோவில் ஏற்றிக் கொண்டு
அவர்களது தாய் பொம்மி (45) திருக்கோவிலூர் அரசு மருத்துவமனைக்கு சென்று
கொண்டிருந்தார்.
நள்ளிரவு 1.30 மணியளவில் சித்தாமூர் அருகே கார் வந்த போது செல்வராஜ்
மற்றும் அவரது உறவினர்கள் 10 பேர் கும்பல் திடீரென வழிமறித்தது. பொம்மியை
காரில் இருந்து வெளியே இழுத்து பெட்ரோலை ஊற்றி தீ வைத்தனர். உயிருக்கு
போராடிய நிலையில் துடி துடித்து மயங்கி விழுந்தார்.பலத்த காயமடைந்த
பொம்மியை திருக்கோவிலூர் அரசு மருத்துவமனைக்கு கொண்டு வந்தனர்.
மேல்சிகிச்சைக்காக புதுச்சேரி அரசு மருத்துவமனையில் அனுமதிக்கப்பட்ட அவர்
நேற்று காலை 7.15 மணிக்கு இறந்தார். காயமடைந்த சசிக்குமார் புதுச்சேரி
அரசு மருத்துவமனையிலும், சத்தியசீலன் விழுப்புரம் அரசு மருத்துவக் கல்லூரி
மருத்துவமனையிலும் சிகிச்சை பெற்று வருகின்றனர்.
பொம்மியை பெட்ரோல் ஊற்றி, கொடூரமாக கொலை செய்த சம்பவம் பற்றி தகவல்
அறிந்த சித்தேரிபட்டு கிராம மக்கள் ஆவேசமடைந்தனர். போலீசாரை
முற்றுகையிட்டு குற்றவாளிகளை உடனடியாக கைது செய்ய வேண்டுமென
வலியுறுத்தினர். டி.எஸ்.பி., (பொறுப்பு) ஆறுமுகம் தலைமையில், இன்ஸ்பெக்டர்
இளங்கோவன் மற்றும் கண்டாச்சிபுரம் போலீசார் விசாரணை
மேற்கொண்டுள்ளனர்.சித்தேரிப்பட்டு கிராமத்தில் தொடர்ந்து பதட்டம்
நீடிக்கிறது. அசம்பாவிதம் ஏற்படாமல் தவிர்க்க ஏராளமான போலீசார்
குவிக்கப்பட்டுள்ளனர்.

பெட்ரோல் ஊற்றி பெண் கொலை:திருக்கோவிலூர் அருகே பதட்டம்

பெட்ரோல் ஊற்றி பெண் கொலை:திருக்கோவிலூர் அருகே பதட்டம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக