கணவனுக்கு "பகோடாவில்' கஞ்சா: மனைவி கைது

நவீன் · நவீன் Wed Aug 04, 2010 10:12 am

புழல்:சிறையில் இருக்கும் கணவனுக்கு பகோடா, மிக்சர் பாக்கெட்டில் கஞ்சா
கடத்திய மனைவி, போலீசாரிடம் சிக்கினார்.சென்னை தண்டையார்பேட்டை நேதாஜி
நகர், 2வது தெருவைச் சேர்ந்தவர் சரவணன்(35). இவர், அடிதடி வழக்குகளில்
சிக்கி புழல் சிறையில் அடைக்கப்பட்டுள்ளார்.நேற்று காலை தன் கணவரை
சந்திக்க பானு(27), சிறைக்கு வந்தார். அவர், பழங்கள், பிஸ்கட், பகோடா
மற்றும் மிக்சர் பாக்கெட்டுகளை கொண்டு வந்தார்.சிறையின் நுழைவாயிலில்
சோதனையில் ஈடுபட்டிருந்த சென்னை புறநகர் நுண்ணறிவுப்பிரிவு போலீசார், பானு
கொண்டு வந்த உணவுப் பொருட்களை சோதித்தனர். பகோடா மற்றும் மிக்சர்
பாக்கெட்டுகளில் 75 கிராம் அளவிற்கு கஞ்சாவை கலந்து கடத்தியது தெரிந்தது.
புழல் போலீசார், பானு மீது வழக்கு பதிவு செய்துள்ளனர்.