அன்று சிறுத்தை; நேற்று கரடி:திருமலையில் தொடர்கிறது பீதி

நவீன் · நவீன் Wed Aug 04, 2010 9:34 am

நகரி:திருப்பதி, திருமலையில் ஒரே வாரத்தில் அடுத்தடுத்து இரு சிறுமிகளை
சிறுத்தை தாக்கியதால் பீதியடைந்த பக்தர்கள் அதிர்ச்சியிலிருந்து
மீள்வதற்குள், கரடி நடமாட்டத்தால் மீண்டும் கவலை அடைந்துள்ளனர்.திருப்பதி
மலைப் பாதையில் டி.பி., ஏரியாவில் காட்டுப் பகுதியையொட்டி மக்கள்
நடமாட்டம் நிறைந்த இடத்தில் கரடி ஒன்று திடீரென வந்தது. சாலையின் ஓரத்தில்
கிடந்த குப்பைத் தொட்டிக்குள் கைகளை விட்டு உணவுப் பொருட்கள் ஏதேனும்
உள்ளதா என பார்த்தது.இதை அப்பகுதியில் இருந்த பக்தர்கள் மற்றும்
பொதுமக்கள் பார்த்தனர். அங்கும் இங்கும் அலறியடித்து ஓடினர். கூச்சல்
சத்தத்தைக் கேட்டு, குப்பைத் தொட்டியை விட்டு, கரடி காட்டுப் பகுதிக்குள்
ஓடி மறைந்தது.
அதிர்ச்சியடைந்த பக்தர்களும், பொதுமக்களும், கரடி ஓடி விட்டதை அறிந்து,
நிம்மதி பெருமூச்சு விட்டபடி கலைந்து சென்றனர். கடந்த 27ம் தேதி தனது
குடும்பத்தினருடன் திருமலை மலைப்பாதையில் சென்று கொண்டிருந்த கோகிலா
(3)என்ற சிறுமியை சிறுத்தை தாக்கியது. இதில் அச்சிறுமி பலத்த
காயமடைந்தாள்.கடந்த 31ம்தேதி இரவு திருமலைக்கு பாதயாத்திரையாக சென்ற
கல்யாணி என்ற 6 வயது சிறுமி மீது சிறுத்தை பாய்ந்ததால், பலத்த
காயமடைந்தாள்.
இதையடுத்து திருப்பதி தேவஸ்தான அதிகாரிகள் மற்றும் வனத்துறை அதிகாரிகள்
மலைப்பாதையில் தற்போது பாதுகாப்பு நடவடிக்கைகளை தீவிரப்படுத்தி
உள்ளனர்.இருப்பினும், பக்தர்களும் பொதுமக்களும் நிறைந்த டி.பி., ஏரியா
பகுதியில் கரடி நடமாடியதால், மக்கள் அதிர்ச்சி அடைந்துள்ளனர். மக்கள்
நடமாட்டம் உள்ள பகுதியில் மிருகங்கள் உலா வருவதைத் தடுக்க வனத்துறை
அதிகாரிகள் நடவடிக்கை மேற்கொள்ள வேண்டும்.

அன்று சிறுத்தை; நேற்று கரடி:திருமலையில் தொடர்கிறது பீதி

அன்று சிறுத்தை; நேற்று கரடி:திருமலையில் தொடர்கிறது பீதி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக