போலீசுக்கு தெரிவிக்காமல் அடக்கம் செய்யப்பட்ட உடல் தோண்டியெடுப்பு

காரைக்கால்:காரைக்காலில் விபத்தில் அடிபட்டு சிகிச்சை பலனின்ற இறந்த
கூலித் தொழிலாளி உடல் போலீசுக்கு தகவல் தெரிவிக்காமல் புதைக்கப்பட்டதால்,
துணை தாசில்தார் முன்னிலையில் போலீசார் உடலை தோண்டி எடுத்து பிரேத
பரிசோதனை செய்தனர்.காரைக்கால் அம்மன் கோவில் பத்து கிராமத்தைச் சேர்ந்த
ராஜேந்திரன்(40). கூலித் தொழிலாளி. இவரது மனைவி சித்ரா. இவர்களுக்கு
நேசமணி(17), அரிகரன்(15), மணிமொழி(14) என்ற குழந்தைகள் உள்ளனர்.கடந்த
ஜூன் 16ம் தேதி பைக்கில் சென்ற போது கீழே விழுந்ததில் ராஜேந்திரனுக்கு
தலையில் படுகாயம் ஏற்பட்டது. புதுச்சேரி அரசு மருத்துவமனையில் ஒரு மாதம்
சிகிச்சை பெற்ற ராஜேந்திரன் கடந்த மாதம் 16ம் தேதி காரைக்கால் திரும்
பினார். மீண்டும் தலையில் வலி ஏற்பட்டதால் காரைக்கால் அரசு
மருத்துவமனைக்கு சென்றார். அவர் கள் தஞ்சாவூர் மருத்துவமனைக்கு
பரிந்துரைத்தனர்.
ராஜேந்திரன் தஞ்சாவூர் மருத்துவமனைக்கு செல்லாமல் வீட்டில்
இருந்துள்ளார்.இந்நிலையில் உடல்நலக்குறைவு காரணமாக கடந்த 23ம் தேதி இறந்
தார். இவரது உடலை உறவினர்கள் நகராட்சியில் அனுமதி பெற்று போலீசாருக்கு
தகவல் தெரிவித்து, அடக்கம் செய்துவிட்டனர்.ராஜேந்திரன் மீது போக்குவரத்து
போலீசார் வழக்கு பதிவு செய்துள்ளனர். போக்குவரத்து போலீசாருக்கு தகவல்
தெரிவிக்காமல் பிணம் புதைக்கப்பட்டதால், வேறு காரணத்தினால் ராஜேந்திரன்
இறந்தாரா என கண்டறிய, அம்மன் கோவில் பத்து சுடுகாட்டில் புதைக்கப்பட்ட
உடல், துணை தாசில்தார் முத்து, போலீஸ் இன்ஸ்பெக்டர் ராஜசேகரன் வல்லட்,
போக்குவரத்து இன்ஸ் பெக்டர் சிவானந்தம் முன்னிலையில் தோண்டி எடுக்கப்
பட்டது. அரசு மருத்துவமனை டாக்டர் நரசிம்மன் பிணத்தை பிரேத பரிசோதனை
செய்தார். பிரேத பரிசோதனை செய்யப்பட்ட உடல் மீண்டும் அதே இடத்தில்
புதைக்கப்பட்டது.