750 மில்லியன் ருபா வேலைக்கு சீனாவுடன் 4000 மில்லியனுக்கு ஒப்பந்தம்!

நிசாந்தன் · நிசாந்தன் Wed Aug 04, 2010 12:44 am

மாத்தறை தொடக்கம் பெலியத்தை வரையிலான தொடருந்துப் பாதை சமிக்ஞைப் பொறிமுறையை உள்ளுர் பொறியியலாளர்கள் குறைந்த செலவில் அமைத்துக் கொடுப்பதற்குத் தயாராகவிருந்த நிலையில், அப் பணி சீன நிறுவனத்திற்கு ஒப்படைக்கப்பட்டமை குறித்து விசனம் தெரிவித்துள்ளது.

மாத்தறை தொடக்கம் பெலியத்தை வரையிலான தொடருந்துப் பாதைக்கான சமிக்ஞைப் பொறிமுறையை ஏற்படுத்திக் கொடுக்கும் பணியை சீன இயந்திர ஏற்றுமதி, இறக்குமதி கூட்டுத்தாபனத்திடம் சிறிலங்கா அரசு ஒப்படைத்திருந்தது. இப் பணிக்கான குறிப்பிட்ட சீன நிறுவனம் 4,000 மில்லியன் ரூபா செலவாகும் எனத் தெரிவித்திருந்தது. ஆனால், உள்ளுர் தொடருந்து பொறியியலாளர்கள் இவ் வேலையை 750 மில்லியன் ரூபாவுடன் செய்து முடித்துத் தருவதாக கூறியிருந்தனர்.

இந் நிலையில், 3,250 மில்லியன் ரூபா மேலதிக செலவில் இவ் வேலையை முடிப்பதற்கான ஒப்பந்தம் சீன நிறுவனத்துக்கு வழங்கப்படடமைக்கு சிறிலங்காவின் தொடரூந்துத் திணைக்களப் பணியாளர்கள் மற்றும் உயரதிகாரிகளும் விசனம் தெரிவித்துள்ளனர். அத்துடன், தமது பொறியியலாளர்களால் செய்யக் கூடிய இப் பணியை 3,250 மில்லியன் ரூபா மேலதிகமாகக் கொடுத்து சீன நிறுவனம் மூலம் செய்வதற்கு அரசாங்கம் முடிவு செய்துள்ளமை குறித்து சிறிலங்காவின் தொடருந்து சமிக்ஞைத் திணைக்கள தொழில்நுட்ப அதிகாரிகள் சங்கமும் விசனம் தெரிவித்துள்ளது.

2004ஆம் ஆண்டு மொரட்டுவ - மாத்தறை தொடருந்துப் பாதை சுனாமியால் அடித்துச் செல்லப்பட்ட போது, அப் பதையை 52 நாட்களில் தமது பொறியியலாளர்களும் பணியாளர்களும் திருத்தி அமைத்திருந்ததாக தொடருந்து சமிக்ஞைத் திணைக்கள தொழில்நுட்ப அதிகாரிகள் சங்கம் சுட்டிக்காட்டியுள்ளது. மாத்தறை தொடக்கம் பெலியத்தை வரையிலான தொடருந்துப் பாதை சமிக்ஞைப் பொறிமுறையை நிர்மாணிக்கும் ஒப்பந்தத்தை சீன நிறுவனத்துடன் செய்து கொள்வதற்கு முன்பாக இது குறித்து தொடருந்து திணைக்கள அதிகாரிகளுடன் கலந்தாலோசிக்கப்படவில்லை எனவும் தொடருந்து சமிக்ஞைத் திணைக்கள தொழில்நுட்ப அதிகாரிகள் சங்கம் கவலை தெரிவித்துள்ளது.

நவீன் · நவீன் Wed Aug 04, 2010 9:07 am

750 மில்லியன் ருபா வேலைக்கு சீனாவுடன் 4000 மில்லியனுக்கு ஒப்பந்தம்! 678642

750 மில்லியன் ருபா வேலைக்கு சீனாவுடன் 4000 மில்லியனுக்கு ஒப்பந்தம்!

750 மில்லியன் ருபா வேலைக்கு சீனாவுடன் 4000 மில்லியனுக்கு ஒப்பந்தம்!

Re: 750 மில்லியன் ருபா வேலைக்கு சீனாவுடன் 4000 மில்லியனுக்கு ஒப்பந்தம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக